![Ədliyyə Nazirliyi vergi ödəyicilərinin satışa çıxarılan əmlakının elektron bazasını yaradacaq](https://turan.az/resized/./turan-750-500-resize.webp)
Ədliyyə Nazirliyi vergi ödəyicilərinin satışa çıxarılan əmlakının elektron bazasını yaradacaq
Bakı/06.10.17/Turan: Ədliyyə Nazirliyinin səlahiyyətləri genişləndirilib. Bu quruma vergi ödəyicilərinin siyahıya alınmış əmlakının satışı ilə bağlı bir sıra səlahiyyətlər verilib. Nazirlik haqqında Əsasnaməyə müvafiq düzəlişlər barədə fərmanı prezident İlham Əliyev oktyabrın 5-də imzalayıb.
Sənədə əsasən, Ədliyyə Nazirliyi vergi ödəyicisinin siyahıya alınmış əmlakının elektron hərracda və ya satışı elektron şəkildə həyata keçirən ticarət şəbəkələrində satışı ilə bağlı zəruri məlumatları ictimaiyyətə çatdıracaq. Qurum satışa çıxarılan əmlakının elektron bazasını yaratmalıdır.
Ədliyyə Nazirliyi rübdə bir dəfə vergi ödəyicisinin siyahıya alınmış əmlakının satışından əldə olunan vəsait, eləcə də satılması üçün icra məmurlarının sifarişləri barədə rüblük məlumatı Vergilər Nazirliyinə təqdim etməlidir.
Hazırda vergi ödəyicisinin siyahıya alınmış əmlakı vergi borcunun icbari ödənilməsi üçün açıq hərraclarda satılır. Bu barədə informasiya Vergilər Nazirliyinin mətbu orqanında dərc edilir. 08D
-
- İqtisadiyyat
- 6 Oktyabr 2017 12:36
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz