Ekspertlər: «Sərhəd rejiminin sadələşdirilməsi Azərbaycana gələn bütün əcnəbilərə aiddir»

Rusiya, Türkiyə, İran və Gürcüstanla sərhəd rejiminin sadələşdirilməsi yalnız bu ölkələrin vətəndaşlarına yox, Azərbaycan sərhədini keçən bütün əcnəbilərə aiddir, - deyə ekspertlər bildirir.

Turan president İlham Əliyevin Rusiya, Türkiyə, İran və Gürcüstanla sərhəd rejiminin sadələşdirilməsi barədə sərəncam verməsi haqda yazmışdı.

Sərəncam əcnəbilərin, eləcə də həmsərhəd ölkə vətəndaşlığı olmayanların asanlıqla keçməsi üzrə tədbirlər görülməsini nəzərdə tutur.

Ekspertlər bildirir ki, bu, viza rejiminin sadələşdirilməsi deyil, üstəlik, Azərbaycanın Rusiya və Gürcüstanla viza rejimi yoxdur.

Ehtimal etmək olar ki, Gürcüstandakına oxşar sistem yaradılır. Orda bütün sərhəd proseduru «bir pəncərə» sistemi ilədir. Azərbaycanla Gürcüstanın sərhəd sistemi arasında fərq hazırda bir ölkədən digərinə keçəndə aydın görünür. Gürcüstan tərəfində eyni prosedura dəfələrlə az vaxt gedir.

Qeyd edək ki, 2016-cı ilə kimi Azərbaycan hakimiyyəti əcnəbilər üçün viza və sərhəd prosedurunu yalnız sərtləşdirib. Nisbi yumşalma «Avroviziya» (2012-ci il) və I Avropa Oyunları (2015) vaxtı olub.

Neftin ucuzlaşması və Azərbaycanın gəlirlərinin azalması ilə bağlı hökumət turizmi inkişaf etdirib itkiləri kompesasiya etmək istəyir. Bununla bağlı 2016-cı ilin əvvəlindən bir sıra ərəb ölkələrinin vətəndaşları üçün viza rejimi sadələşdirilib və ərəb turstlərin axını artıb. 2015-ci ildə Azərbaycana 2 mln turist gəlib. 2016-cı ildə Fars körfəzindən Azərbaycana 25 min, o cümlədən İraqdan  11 min 28, BƏƏ-dən 10 min 86 nəfər turist gəlib. –75В-