![Qarabağda banket beynəlxalq qalmaqala səbəb olub](https://turan.az/resized/media/2016/main/090300167612-750-500-resize.webp)
Qarabağda banket beynəlxalq qalmaqala səbəb olub
Bu gün de-fakto Abxaziya respublikasının nümayəndələri Qarabağda separatçı Dağlıq Qarabağ respublikasının yaranması Gününə həsr olunmuş banketdə vitse-prezident Vitali Qabniyanın Ermənistan prezidenti Serj Sarkisyanın qarşısında durduğunu əks etdirən foto dərc edib.
Bu foto Gürcüstan ictimaiyyətinin qəzəbinə səbəb olub. Amma axşam Gürcüstan XİN erməni diplomatlarla danışıqlardan sonra heç bir görüş olmadığı haqqında bəyanat verib.
Bayram masası arxasında əlində qədəhlə Ermənistan prezidenti və de-fakto Qarabağ və Abxaziya hakimiyyətinin nümayəndələri dayanan fotoşəkil səhər tezdən de-fakto Abxaziya respublikasının xarici işlər nazirinin müavini Kan Tanianın səhifəsində yayılıb, xəbəri “Azadlıq” yayıb.
“Abxaziya Respublikasının nümayəndə heyəti Ermənistan prezidenti Serj Sarkisyanı və DQR prezidenti Bako Saakyanı salamlayır”, Tania fotoşəklin altına belə yazıb.
Bir müddət sonra “Abxaziya prezidenti” Raul Hacimbin saytında Qarabağ separatçılarının lideri Bako Saakyanın ünvanına “Dağlıq Qarabağ respublikasının yaranmasının 25 illiyi münasibətilə” təbrik də yayılıb. Təbrikdə deyilir:
“Abxaziya respublikası Dağlıq Qarabağ respublikasının dostu və müttəfiqidir. Biz Dağlıq Qarabağla müxtəlif sahələrdə qarşılıqlı səmərəli münasibətlərin bundan sonra da intensiv inkişaf etdirilməsində maraqlıyıq, bu istiqamətdə konkret addımlara hazırıq”.
Bir neçə saat sonra Gürcüstan xarici işlər nazirinin müavini Gigi Gigiadze bu məsələ ilə bağlı bəyanat verib. O bildirib ki, Gürcüstanın Ermənistandakı səfiri bu mövzuda Ermənistan xarici işlər nazirinin müavini ilə görüşüb:
“Ermənistan tərəfin açıqlamasına görə, işğalçı rejimin nümayəndələri ilə heç bir görüş olmayıb. Bu, işğalçı rejim nümayəndələrinin çox vaxt əl atdığı növbəti spekulyasiyadır. Bilirsiniz ki, Ermənistan Gürcüstana dost ölkədir. O, Gürcüstanın suverenliyinə və ərazi bütövlüyünə açıq-aşkar dəstək ifadə edir. Və biz sıx əməkdaşlığı davam etdiririk”.
Amma “olmayan görüşdə” çəkilmiş fotoşəkil həmin vaxta qədər bütün sosial şəbəkələrdə yayılıb və Azadlıq Radiosunun Ermənistan xidmətinin müxbirləri bunun fotoşop olmadığını təsdiq etməyə müvəffəq olublar. “Dağlıq Qarabağ” liderinin mətbuat katibi David Babayan həmkarlarımıza bildirib ki, ayrıca görüş həqiqətən olmayıb. Amma bu fotoşəkil banketdəndir. Vitali Qabniyadan başqa Dnestryanı və Cənubi Osetiya nümayəndələri də banketdə iştirak ediblər.
Turan-ın məlumatına görə, Azərbaycan XİN avqustun 30-da bəyanat yayaraq, işğal edilmiş ərazilərdə sentyabrın 2-3-nə planlaşdırılan “Dağlıq Qarabağın müstəqilliyinin 25 illiyi ilə bağlı” tədbirləri pisləyib.
XİN bu əməlləri sabitliyi pozan və münaqişənin dinc yolla nizamlanmasının pozulmasına yönəlmiş addım kimi qiymətləndirib, habelə bütün xarici vətəndaşları bu tədbirdə iştirak etməkdən və beynəlxalq hüquqa əsasən, yurisdiksiyası Ermənistan tərəfindən işğal edilmiş bütün əraziləri, o cümlədən Dağlıq Qarabağı əhatə edən Azərbaycan Respublikasının suverenliyini pozmaqdan imtina etməyə çağırıb. -0-
-
- Siyasət
- 3 Sentyabr 2016 11:23
Siyasət
-
“On illərdir ki, müxalifət lideri Tofiq Yaqublu Azərbaycanda məhkəmə təqibinə məruz qalıb. O, dekabrda həbs olunub və məhkəmə qarşısına çıxarılacaq.
-
Azərbaycan Müdafiə Nazirliyi və NATO-nun Brunssum Birgə Qüvvələr Komandanlığının təşkilatçılığı, Medianın İnkişafı Agentliyinin dəstəyi ilə Bakıda strateji kommunikasiyalar mövzusunda kurs keçirilib. Kursda dövlət qurumlarının nümayəndələri iştirak ediblər, Azərbaycan Müdafiə Nazirliyinin mətbuat xidməti bildirib.
-
İstanbul Universitetinin doktorantı Fazil Qasımov artıq 91 gündür aclıq edir. O, “qanunsuz həbsinə” etiraz edir.
-
Cümə axşamı Azərbaycan və Lüksemburq xarici işlər nazirləri arasında telefon danışığı olub. Ceyhun Bayramov və Xavier Bettel ikitərəfli əməkdaşlıq, eləcə də regional təhlükəsizlik məsələlərini müzakirə ediblər.
Rəy yaz