Əlcəzair Azərbaycan şirkətlərinə elektrik stansiyaları və NEZ-in tikintisində iştirak etməyi təklif edir
Əlcəzair Azərbaycan şirkətlərinin ölkədə elektrik stansiyaları və neft emalı müəssisələrinin tikintisində iştirakına ümid edir. Bu barədə Azərbaycanın Energetika Nazirliyinin məlumatında deyilir.
Bu məsələ çərşənbə günü energetika nazirinin müavini Gülməmməd Cavadovun Əlcəzairin Energetika Nazirliyinin baş katibi və Neft İxrac Edən Ölkələr Təşkilatında (OPEK) bu ölkənin nümayəndəsi Əhməd Messili ilə görüşündə müzakirə olunub.
“Görüşdə Ə.Messili Əlcəzairin neft-qaz və elektrik enerjisi sahələrində potensial, həmin sahələrdə həyata keçirilən islahatlar barədə məlumat verib. O, həmçinin bildirib ki, yaxın illərdə Əlcəzair hökuməti yeni neft emalı müəssisələri və elektrik stansiyaları inşa etməyi planlaşdırır. Bununla əlaqədar həmin istiqamətdə planlaşdırılan tenderlərdə Azərbaycan şirkətlərinin iştirakından məmnun qalacaq”, - deyə məlumatda vurğulanır.
SOCAR Azərbaycandan kənarda əsasən neft məhsulları ticarəti ilə məşğul olur. Ötən il şirkət Türkiyədə NEZ tikintisinə başlayıb. –12D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz