![Azercell-in xanım nümayəndəsi beynəlxalq konfransda İKT-nin qadınların həyatındakı rolunu vurğuladı](https://turan.az/resized/750/500/resize/media/2015/main/042400113844.jpg)
- İqtisadiyyat
- 24 Aprel 2015, 19:00
- 85
Azercell-in xanım nümayəndəsi beynəlxalq konfransda İKT-nin qadınların həyatındakı rolunu vurğuladı
Aprelin 23-də qlobal səviyyədə Beynəlxalq Telekommunikasiya İttifaqının 150 illiyinə həsr edilmiş tədbirlər çərçivəsində “İKT-də xanımlar günü” (Girls in ICT Day”) Azərbaycanda qeyd olunub. Bu gün münasibətilə “İKT-nin qadınların həyatındakı rolu” mövzusunda ADA Universitetində konfrans keçirilib.
Rabitə və Yüksək Texnologiyalar Nazirinin müavini İltimas Məmmədovun da iştirak etdiyi konfrans “Femmes Digitales - Azərbaycan İKT xanımları klubunun” təşkilatçılığı ilə baş tutub. Qeyd edək ki, "Bakutel 2014" sərgi-konfransı çərçivəsində "Femmes Digitales - Azərbaycan İKT xanımları klubu” yaradılıb və bu qurumun əsas məqsədi xanımların İKT sahəsinə cəlb edilməsi ilə bağlı qlobal məqsədlərin Azərbaycanda reallaşmasına dəstək olmaqdır.
Qadınların İKT sektorunda iştirak səviyyəsinin yüksəldilməsini hədəfləməklə, konfransın keçirilməsində məqsəd Azərbaycanda İKT sektorunun qadınların işlə təmin olunmasında uzunmüddətli perspektivlər vəd etdiyinə dair məlumatlılığın artırılması, milli səviyyədə rəqəmsal iş yerlərinin yaradılmasını hədəfləyərək dövlət və özəl sektorları arasında səmərəli əməkdaşlığın dəstəklənməsi və iştirakçılar arasında təcrübə mübadiləsinin həyata keçirilməsidir.
ADA Universitetində baş tutan konfransda Rabitə və Yüksək Texnologiyalar Nazirliyinin, Avropa Birliyinin Azərbaycandakı nümayəndəliyinin, ATƏT-in, ADA Universitetinin, Azərbaycanda Amerika Ticarət Palatasının (AMCHAM), Azərbaycan İKT Xanımları Klubunun nümayəndələri iştirak edib.
Azercell Telekom MMC-ni bu konfransda şirkətin Texnologiyalar departamentinin Transmissiya şəbəkəsi bölümünün rəhbəri və Proseslərin İnkişafı üzrə konsultant vəzifələrində çalışan, bundan öncə Azercell-in Texnologiyalar Departamentinin direktoru vəzifəsini icra edən əməkdar mühəndis Xavər Babazadə təmsil edib. Xavər Babazadə konfransda “İKT-də qadınların rolu” mövzusunda çıxış edib. Məlumat üçün bildirək ki, Azercell-də 3G, 4G şəbəkələrinin qurulması, metro stansiyalarında Azercell abunəçilərinin danışa bilməsi, Eurovision-2012 tədbiri boyu kəsintisiz şəbəkənin təmin edilməsi məhz bu xanımın rəhbərliyi altında aparılan işlərin nəticəsində mümkün olub.
Xavər Babazadə çıxışında getdikcə daha çox xanım mütəxəssislərin İKT sahəsinə cəlb edilməsinin əhəmiyyətini vurğulayıb. Qabaqcıl Texnologiyalar sahəsində daim öncül olan Azercell Telekom ölkəmizdə bu sahədə ekspert kadrların yetişdirilməsinə hər zaman dəstək olub. Ölkəmizdə İKT istiqamətində öz nailiyyətləri ilə tanınan əməkdar mühəndis Xavər Babazadənin Azercell-də keçdiyi karyera tarixçəsi xanımların bu sahədə uğur qazanmasına ən gözəl nümunə olmaqda davam edir.
-
- Cəmiyyət
- 24 Aprel 2015 19:23
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz