![Eldar Qəribov UniBank-ın səhmlərini Cəlal Qasımovdan alıb](https://turan.az/resized/media/2015/main/070700122286-750-500-resize.webp)
Eldar Qəribov UniBank-ın səhmlərini Cəlal Qasımovdan alıb
Bakı Fond Birjası “UniBank Kommersiya Bankı” ASC-nin imtiyazlı səhmləri üzrə insayder sövdələşməsi haqqında məlumatı açıqlayıb. Bu, son bir il yarım ərzində ilk belə məlumatdır.
Məlumata görə, bu il iyunun əvvəlində bankın Müşahidə Şurasının sədri Eldar Qəribov UniBank-ın 183 825 ədəd imtiyazlı səhmini 2,91 manata (nominal dəyəti 2,72 manat) alıb.
Qeyd etmək lazımdır ki, satış tərəfi haqda məlumat açıqlanmır. Lakin məlumdur ki, məhz bu sayda səhmi 2013-cü ilin sentyabrında UniBank-ın o zamankı icraçı direktoru Cəlal Qasımov alıb. Bu ilin mayında o, “Pasha Holding” MMC-nin bank qrupunun rəhbəri, həmçinin “Kapital Bank” ASC-nin (“Pasha Holding” qrupunun üzvü) Müşahidə Şurasının sədri təyin edilib.
Alqı-satqı haqqında əqd C.Qasımovun “Kapital Bank”-da vəzifəsinin icrasına başlanmasından sonra bağlanıb.
Qeyd edək ki, bu əqddən öncə E.Qəribov UniBank-da 68,34% adi və imtiyazlı səhmə sahib olub.
UniBank-ın səhmdarları Avropa Yenidənqurma və İnkişaf Bankı (AYİB) -15,15%, Almaniya İnvestisiya Korporasyası (DEG) - 8,33%, həmçinin yerli və xarici fiziki və hüquqi şəxslərdir.
Dövriyyədə 20 796 000 ədəd sadə və 5 147 100 ədəd imtiyazlı səhm var. Bankın ödənilmiş nizamnamə kapitalı 70,5 mln. manatdır. 08B
-
- Bazarların icmalı
- 7 İyul 2015 12:43
-
- İqtisadiyyat
- 7 İyul 2015 12:47
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz