ecotechnica.com.ua
Asiya İnkişaf Bankı (AİB) enerji sektorunun sağlamlaşdırılması planının hazırlanması üçün $1,2 mln. məbləğində texniki yardımın ayrılmasını təsdiq edib. Bu barədə AİB-nin saytında məlumat verilir.
Dəstəkdə məqsəd elektrik enerjisinin tariflərinin bahalanması planıdır. Bundan sonra energetiklər öz xərclərini ödəyə biləcək.
Bu, elektrik enerjisinin istehsalı və paylanmasının real hesablanması, yeni tarifləri və elektrik enerjisinin istehsalı mənbələrini nəzərdə tutur. 2022-ci ilə kimi bu sahə tam sağlamlaşdırıla bilər. Plana texniki yardım çərçivəsində enerji sektorunun sağlamlaşdırılması üzrə yol xəritəsinin hazırlanması və 2022-ci ilə qədər xərclərin tam qaytarılmasının təminatı üçün tarifin tədricən artırılması; tarif islahatı barədə əhalinin məlumatlandırılma kampaniyasının aparılması; digər ölkələrin qabaqcıl təcrübəsinin araşdırılması və təşkilati strukturun möhkəmləndirilməsi daxildir.
AİB 1966-cı ildə yaradılıb. Bank Azərbaycanda 59 layihənin həyata keçirilməsi üçün $2 mlrd. 321,62 mln. vəsait ayırıb. Bundan əlavə, bank tərəfindən texniki yardımın göstərilməsi ilə bağlı 32 layihənin reallaşdırılmasına $22 mln. ayrılıb. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz