Qeyri-neft sektorunun artım səviyyəsinə (+11,7%) görə Azərbaycan iqtisadiyyatı dünyada birinci sayıla bilər, deyə prezident İlham Əliyev hökumətin 2013-cü ilin I rübündə ölkənin sosial-iqtisadi inkişafının yekunlarına həsr edilmiş iclasında bildirib və hökumətə tapşırıb ki, islahatları dərinləşdirsin.
O deyib ki, “əgər biz sağlam rəqabəti tam şəkildə təmin edə bilsək, inhisarçılığa qarşı daha da ciddi addımlar ata bilsək, əminəm ki, göstəricilərimiz daha da böyük olacaq”. “Biz rəqabət qabiliyyətli məhsulların istehsalını artırmalıyıq. Həm ixracı artırmaq, eyni zamanda, daxili bazarı da rəqabət qabiliyyətli məhsullarla təmin etmək üçün”, deyə prezident vurğulayıb. Onun fikrincə, dövlət investisiya proqramı və güzəştli kreditlər bu məqsədə xidmət edir.
Dünya bazarına çıxmaq üçün müasir avadanlıqlar lazımdır, yeni müəssisələr 100% qabaqcıl texnologiyalarla təmin olunmalıdır, deyə Əliyev bildirib.
Prezident təxirəsalınmaz tədbirlər olaraq gənc ailələrin mənzil təminatı üçün ipoteka kreditləşməsinin genişləndirilməsi, onun mexanizmin təkmilləşdirilməsinin vacibliyini göstərib.
Bitkiçilik və heyvandarlıq intensiv inkişaf etdirilməli, iri fermer təsərrüfatları yaradılmalı, 10 min ha dövlət torpağından istifadə edilməlidir. Meliorasiya sisteminin yaxşılaşdırılması hökumətin əsas vəzifələrindəndir. Həmçinin orta pillə aqrar kadrlar hazırlanması üzrə peşə məktəbləri yaradılmalıdır, deyə dövlət başçısı qeyd edib.
Əmək haqqı və pensiya artımı ilə bağlı Əliyev deyib ki, bu, planlaşdırılır, amma makroiqtisadi göstəricilərə pis təsir edə bilər.
Dövlət başçısı gələcək illər üçün 4 texnoloji sənaye inkişafı mərkəzinin adını çəkib: Bakı, Sumqayıt, Gəncə və Mingəçevir.
Paytaxt qəsəbələrinin inkişaf proqramının başa çatdırılması, qazlaşdırma, kənd yollarının tikintisi, su və kanalizasiya sisteminin yenidən qurulması yaxın müddət üçün hökumətin prioritetləridir.
İlin sonu üçün regionların inkişafı üzrə üçüncü dövlət proqramı hazır olacaq. 2014-cü ildə onu qəbul edəcəyil, deyə bu ilin oktyabrında prezidentlik müddəti bitən İlham Əliyev bildirib. --08D—
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz