![İqtisadi rifahın deyilən və gizlədilən rəqəmləri](https://turan.az/resized/750/500/resize/media/2013/main/041600034801.jpg)
İqtisadi rifahın deyilən və gizlədilən rəqəmləri
Aprelin 14-də prezident İlham Əliyevin sədrliyi ilə hökumətin 2013-cü ilin I rübündə ölkənin sosial-iqtisadi inkişafının yekunlarına həsr edilmiş iclası keçirilib.
İlin I rübündə ÜDM 3,1%, qeyri-neft sektorunda 11,4% artıb. ÜDM-in 83%-i özəl sektorda formalaşıb. “Bütün bunlar müdrik iqtisadi islahatlar sayəsində olub”, - deyə Əliyev bildirib. Onun fikrincə, ölkədə sabit makroiqtisadi vəziyyət var, inflyasiya 1,2%, əhalinin gəlirlərinin artımı 6%, kənd təsərrüfatında artım 4% olub.
Amma o, sənaye istehsalında tənəzzüldən danışmayıb (əsasən neft hasilatında). ARDNŞ rəhbərliyi azalmanın 11,6% olduğunu bu günlərdə açıqlayıb.
Onun sözlərinə görə, makroiqtisadi göstəricilərdə artım çoxlu investisiya vəsaitləri cəlb etmək imkanı verib. Neçə ildir reytinq agentlikləri – Standard & Poor’s, Fitch и Moody’s – Azərbaycanın kredit reytinqini artırır. Davos Forumu 4 ildir Azərbaycan iqtisadiyyatının MDB məkanında ən rəqabət qabiliyyətli iqtisadiyyat olduğunu qeyd edir. O, dünyada 46-cı yerdədir. 2012-ci ildə iqtisadiyyata investisiyalar $22 mlrd olub. Bunun 30%-i xaricdən cəlb edilib.
Onun sözlərinə görə, ötən ilin ortalarından hökumət keçmiş SSRİ Əmanət Bankındakı əmanətlərə görə ödənişlərə başlayıb və 100 milyonlara vəsait ödənilib. I rübdə 30 min yeni iş yeri açılıb. 2003-cü ildən bu yana milyondan çox yeni iş yerləri açılıb. 123 min ailə ünvanlı sosial yardım (117 manat) alır.
Ötən il Qaçqınkom ARDNF-dən 300 mln manat transfer əldə edib. Nəticədə 20 min nəfər evlə təmin olunub. Bu il də 300 mln vəsait ayrılacaq və daha 20 min nəfər evlə təmin olunacaq.
Perspektiv prioritetlər bunlardır: paytaxt və regionların inkişafı, ərzaq proqramı, İKT, avtomobil və kosmik sənaye, təbiəti mühafizə. Həmçinin "elektron hökumət" və korrupsiya ilə mübarizə üzrə başqa tədbirlər nəzərdə tutulub.
Prezident Bakı–Tbilisi–Qars dəmiryolu layihəsini xüsusi qeyd edib. Amma onun vəsait silinməsi layihəsi olduğunu deməyib. BTQ-nin Gürcüstan hissəsinin tikintisi üçün Azərbaycan ARDNF-dən 5%-lə $575 mlrd ayırıb. Türkiyə sahəsi ilə birgə layihə xərcləri 1 mlrd-ı keçəcək.
İclasda vergilər, müdafiə sənayesi, səhiyyə nazirləri də çıxış edib. --17D—
-
- İqtisadiyyat
- 16 Aprel 2013 12:58
-
- İqtisadiyyat
- 16 Aprel 2013 13:10
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz