Manatın uzun müddət zəifləməsinə əsas yoxdur. Devalvasiya iki halda baş verə bilər: ölkənin ödəmə balansında davamlı defisit olarsa və bu şəraitdə ölkənin heç bir ehtiyatlarının olmadığı zaman.Bu barədə Azərbaycan Mərkəzi Bankının rəhbəri Elman Rüstəmov AzTV-yə müsahibəsində bildirib.
“Bizim valyuta ehtiyatları təxminən ÜDM-in 70%-ni təşkil edir və təxminən dövriyyədə olan manatın həcmini 2,5 dəfə üstələyir”, - o qeyd edib.
Eyni zamanda E.Rüstəmov manatın məzənnəsinin enməsi iıə bağlı vətəndaşların narahatlığını əsassız sayır.
2008-2011-ci illərdə dünya maliyyə böhranı zamanı Azərbaycanda məzənnə siyasəti bivalyuta səbəti mexanizmi əsasında həyata keçirilib. Bu, daha çevik məzənnə siyasətini həyata keçirməyə imkan verib. Lakin neftin qiymətinin yüksək olduğu və ödəniş balansının yüksək profisiti şəraitində manat avroya nisbətən bahalaşıb. Odur ki, manat avroya nisbətən xeyli artıb.
Güclü valyutanın aşağı inflyasiya kimi öz müsbət tərəfləri var, lakin bu ixraca pis təsir göstərir.
Qeyd edək ki, fevralın 16-dan AMB maantın dollara nisbətən məzənnəsini endirib və iki gündə dollar manata görə 0,11% – 0,7853-dək bahalaşıb. -02D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz