Moskva Bakını cəzalandırmağa hazırlaşır?

"Nezıqar" teleqram kanalının yaydığı məlumata görə, RF Təhlükəsizlik Şurasında müvafiq idarələrin iştirakı ilə "Bakı tərəfindən yaradılan, ölkələr arasında bağlanmış müqavilələrə və sazişlərə, o cümlədən 2022-ci il tarixli Qarşılıqlı Müttəfiqlik Fəaliyyəti haqqında Müqaviləyə zidd olan təcavüzkar gərginliyə" cavab tədbirləri variantları nəzərdən keçirilir. 

"Qarabağın əldə edilməsi Əliyevin başını döndərib, - deyə "Staraya Ploşad"dakı mənbə bildirir, - və Rusiya ilə iqtisadi əlaqələri unudub".

Rusiya Bakıya reallıq hissini qaytarmaq üçün geniş imkanlar spektrinə malikdir. Azərbaycanın əmək miqrantlarının Rusiyadan vətənə pul köçürmələri (ildə təxminən 1 mlrd. dollardan çox) Azərbaycanın illik büdcə gəlirinin təxminən 7%-ni təşkil edir. Onların bloklanması anında onun defisitinə və dövlət xərclərinə təsir edəcək.

Azərbaycanın RF-yə tədarükləri əsasən Türkiyədən reeksport edilən meyvə və tərəvəzdən ibarətdir. Eyni zamanda, Rusiya Azərbaycana taxıl, süd məhsulları, nəqliyyat vasitələri, avadanlıqlar tədarük edir. Azərbaycanın ərzaq satınalmalarının ümumi həcminin 30%-i Rusiyanın payına düşür.

Moskva Bakı dəniz limanını "Şimal-Cənub" nəqliyyat dəhlizindən çıxara bilər.

Bundan başqa, Azərbaycan neftinin Novorossiysk vasitəsilə Avropaya çatdırılması bloklana bilər, bu da Azərbaycanın valyuta gəlirlərinin kəskin şəkildə azalmasına gətirib çıxarar.

Nəhayət, Rusiya "ləzgi problemi" ilə bağlı siyasətini yenidən nəzərdən keçirə bilər. Söhbət Azərbaycanın şimalında - qardaşlarının məskunlaşdığı Dağıstanla həmsərhəd ərazilərdə yaşayan 100 minə yaxın ləzgidən gedir, deyə "Nezıqar" iddia edir.