Fevralın 11-də Azərbaycan Hüquq-Müdafiə Təşkilatlari Monitorinq Qrupunun üzvləri Novella Cəfəroğlu, Səidə Qocamanli və Səadət Bənənyarlı həbs edilmiş jurnalist Şahnaz Bəylərqızının işi üzrə ölkə rəhbərliyinə etdikləri müraciətlə əlaqədar Daxili İşlər Nazirliyində görüş keçiriblər.
Hüquq mudafiəçilərinin müraciəti dinlənilib, onlara aparılan istintaqın gedişi və müraciətin nəticəsi barədə əlavə məlumat veriləcəyi bildirilib.
Fevralın 12-də saat 14.00-da jurnalistin apellyasiya şikayətinə baxılacaq.
Xatırladaq ki, bundan əvvəl hüquq müdafiəçiləri Azərbaycan prezidenti İlham Əliyevə və birinci vitse-prezident Mehriban Əliyevaya müraciət edərək Bəylərqızının səhhətində ciddi problemlərin və iki azyaşlı uşağının olmasını nəzərə alaraq, onun barəsində həbs qətimkan tədbirinin dəyişdirilməsinə köməklik göstərilməsini xahiş ediblər.
Fevralın 6-da Xətai Rayon Məhkəməsi jurnalist Şahnaz Bəylərqızını (Hüseynova) “Toplum” TV nəşrinin işi üzrə 3 ay 15 gün müddətinə həbs edib. O da bu iş üzrə digər müttəhimlər kimi xarici valyuta qaçaqmalçılığında və digər iqtisadi cinayətlərdə ittiham olunur.
Siyasət
-
Baş Prokurorluq Bakının Qaradağ, Binəqədi və Xəzər rayonlarında, həmçinin Tərtər rayonunda qanunsuz hasilat aparılması və torpaq sahəsinin qanunsuz zəbt edilməsi faktları üzrə araşdırma aparıb.
-
“Abzas Media” nəşrinin işilə əlaqədar fevralın 11-nə təyin olunmuş növbəti məhkəmə iclası keçirilməyib.
-
Fevralın 11-də prezident İlham Əliyev “Azərbaycan Respublikası hökuməti ilə Rusiya Federasiyası hökuməti arasında “Şimal-Cənub” beynəlxalq nəqliyyat dəhlizi ilə tranzit yük daşımalarının inkişafı məqsədilə əməkdaşlıq haqqında saziş”i təsdiq edib.
-
Pakistanda Azərbaycan Hərbi Dəniz Qüvvələri hərbi qulluqçularının iştirakıyla AMAN-25 çoxmillətli dəniz təlimi davam edir.
Rəy yaz