Azərbaycan Beynəlxalq Bankı ASC-nin sədri vəzifəsinə Elmar Məmmədov seçilib.
O, bank səhmdarlarının iyulun 22-də keçirilən növbədənkənar ümumi yığıncağının qərarı ilə 4 il müddətinə seçilib, xəbəri ABB yayıb.
Yığıncaqda həmçinin 3 məsələ müzakirə olunub: Bankın müşahidə şurasının və idarə heyətinin tərkibləri, ABB səhmlərinin formasının dəyişdirilməsi.
İclasın gündəliyini Azərbaycan prezidentinin 15 iyul tarixli ABB-nin yaxşılaşdırılması və ondakı dövlət payının özəlləşdirilməsinə hazırlıq tədbirləri haqqında fərmanı müəyyən edib.
Yığıncağın qərarı ilə müşahidə şurası üzvlərinin sayı 7 nəfərdən 5 nəfərə endirilib.
Yeni sədrin müavinləri Ülvi Mənsurov və Murad Şirəliyev olub.
Qiymətli kağızlar bazarı haqqında qanunun tələblərinə uyğun olaraq ABB səhmlərinin sənədsiz formaya keçirilməsi haqqında qərar qəbul edilib.
Məmmədov sədr vəzifəsində səhhəti ilə əlaqədar formal olaraq istefa vermiş Cahangir Hacıyevi əvəz edib. Lakin əsas problem, qeyri-rəsmi məlumatlara görə, çox milyardlıq qaytarılmamış kreditlərlə bağlıdır.
48 yaşlı Məmmədov 2009-2014-cü illərdə “KapitalBank”a, 2014-cü ilin dekabrından isə “Azər-Türk Bank”a sədrlik edib. -0-
İqtisadiyyat
-
COP 29 iqlim sammitində Rusiya nümayəndə heyəti BMT-nin İqlim Dəyişikliyi üzrə Çərçivə Konvensiyasının (UNFCCC) və Paris Sazişinin prinsiplərinə sadiq qaldığını bir daha vurğulayıb. Rusiya Federasiyası, iqlim maliyyələşdirilməsi ilə bağlı inkişaf etmiş ölkələrin öz öhdəliklərini yerinə yetirməyə davam etməli olduğunu və inkişaf etməkdə olan ölkələrə könüllü əsasda dəstək göstərmə imkanı verilməli olduğunu ifadə edərək, "ümumi, lakin fərqləndirilmiş məsuliyyət" prinsipinə riayət etməyin vacibliyini vurğulayıb.
-
Dünyada iqlim dəyişikliyinə uyğunlaşma səyləri üçün illik maliyyələşmədə 2030-cu ilədək 87 milyard dollaradək çatışmazlıq gözlənilir. Bu barədə Böyük Britaniya Xəzinədarlığının Maliyyə Katibi Lord Livermor "İqlim Üçün Hərəkətə Səfərbərlik: Ölkələr, Çoxmilli Maliyyə Təşkilatları və Özəl Sektorun Paris Sazişinin Tətbiqi" adlı panel müzakirəsində bildirib.
-
2024-cü ilin ilk doqquz ayında Azərbaycanda istehsal olunan alkoqollu və alkoqolsuz içkilərin dəyəri cəmi 53 milyon dollar olub ki, bu da 2018-2025-ci illər üçün nəzərdə tutulan Şərabçılığın İnkişafı üzrə Dövlət Proqramının uğursuz nəticələrini göstərir. 2018-ci ildə prezident tərəfindən təsdiqlənmiş bu proqram, dövlət maliyyə dəstəyi ilə həyata keçirilsə də, gözlənilən nəticəni verməyib. Dövlət müdaxiləsi sənayenin inkişafını stimullaşdırmaq məqsədi daşısa da, müvəffəqiyyət çox zəif olub.
-
Azərbaycan və Avropa İnvestisiya Bankının (EIB Global) xarici qolu olan EIB Global, COP29 iqlim sammitində Bakı metro şəbəkəsinin müasirləşdirilməsi və genişləndirilməsi üçün Anlaşma Memorandumu (MoU) imzaladılar, rəsmilər cümə axşamı bildirdi.
Rəy yaz