![İŞİD-dən Türkiyəyə yeni təhdidlər](https://turan.az/resized/./turan-750-500-resize.webp)
İŞİD-dən Türkiyəyə yeni təhdidlər
Türkiyə saytlarının yaydıqları xəbərlərə görə, “İraq-Şam İslam Dövləti” (İŞİD) adlı terror qruplaşması Türkiyəyə yeni təhdidlər ünvanlayıb.
Terror qruplaşması Türkiyə iqtidarına “Türkiyə dövləti bizi qarşısına almaq istəyir” təhdidi göndərib. Bu hədələr İŞİD-in “Kosntantiniyyə” (Konstantinopol-İstambul) jurnalının ikinci sayında yer alıb. Xəbərlərə görə, iyulun 20-də Süruçda törədilən teraktla bağlı jurnalda hər-hansı açıqlama və ya şərh verilməyib. Amma Türkiyə iqtidarına və prezident Erdoğana qarşı təhdidə yer verilib.
“Son vaxtlar qəribə davranışlar sərgiləyərək İslam dövlətini qarşısına almaq istəyən Türkiyə dövlətinin PKK-ya verdiyi dəstək və yardımlarla bölünməyə doğru yol aldığını belə izah etməyə çalışdıq”, deyə jurnalda qeyd edilir. Özü də jurnalda Türkiyə rejimindən “tağut rejimi” (şeytan rejimi) kimi bəhs edilir.
Jurnalın “Kürd dövləti” başlıqlı yazısında Erdoğanın “bilərəkdən və ya bilməyərəkdən, birbaşa və ya dolayısı ilə bu ateist təşkilatı bəsləyib böyütdüyü” ifadəsinə yer verilir.
Yazıda aşağıdakı ifadələr yer alır: “Erdoğanın bəslədiyi bu ateist qruplaşma davamlı olaraq “Tağut Erdoğan” hökumətinə İslam dövlətinə dəstək vermək iddiası irəli sürərək, əslində özlərinə dəstək istəməkdədirlər. Erdoğanın bəslədiyi bu ateist təşkilat indi necə ki, Suriya və İraqa ABŞ təyyarələrinin “kölgəsində” savaşırsa, eyni şəkildə Türkiyəyə qarşı savaşacağı gün də çox uzaqda deyil. ABŞ böyük mənada gözdən saldığı AKP hökumətinə əvəz olaraq daha sadiq “uşaqları”na başqa şanslar tanıya bilər. Türkiyə torpaqları da daxil olmaqla, böyük torpaq parçalarını təslim etmək üçün onlara öncüllük edə bilər”, - deyə jurnalda Erdoğana xəbərdarlıq edilir.
Təhlillərə görə, İŞİD Erdoğandan Türkiyənin ərəb dövlətlərinə aid torpaqlarda “kürd dövləti” yaradılmasına razı olmaması mövqeyi göstərməsini tələb edir. Aydındır ki, İŞİD kürdlərin İraq və Suriya kimi ərəb dövlətləri ərazilərində dövlət qurmasına qarşı birmənalı çıxış edir. Əslinə qalarsa, İŞİD-in kürdlərə qarşı mübarizədə amansızlığı məhz bu motivlə izah olunmalıdır. Həmin amansızlıq indi də qalmaqda davam edir.
Bundan əlavə, Türkiyə də qonşu ərazilərdə kürd dövləti yaradılmasında maraqlı deyil, bunun əksi Türkiyədəki kürdlərin dövlət əleyhinə aksiyalarını bu başdan “stimullaşdırmaq” kimi anlamaq olar.
Amma son zamanlar Erdoğanın “kürd açılımı”na meyllənməsi, İraq kürd bölgə rəhbərliyi ilə görüşləri İŞİD-in narahatlığına səbəb olub. Adı çəkilən yazıdakı təhdid də bu narahatlığın nəticəsidir. -05D-
-
- Siyasət
- 22 İyul 2015 19:46
-
- İqtisadiyyat
- 22 İyul 2015 19:55
Dünyada
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
-
Çinin xarici işlər naziri Van İ çərşənbə günü ukraynalı həmkarı Dmitri Kuleba ilə ilk görüşündə Çinin Ukraynada atəşkəs və sülh danışıqlarının bərpası istiqamətində çalışacağına söz verib.
Rəy yaz