Əmanətlərin Sığortası Fondunun mandatı genişlənməlidir

Əmanətlərin Sığortası Fondunun mandatı genişlənməlidir, deyə Mərkəzi Bankın baş direktoru Rəşad Orucov Depozit Sığortaçılarının Beynəlxalq Assosiasiyasının (İADİ) Avrasiya Regional Komitəsinin (EARC) VII illik toplantısında bildirib. Onun sözlərinə görə, daha mükəmməl hüquqi baza lazımdır.

Vacib məsələlərdən biri əmanətlərin sığortalanması üzrə mükafat hesablanmasının riskdəna sılı olan optimal metodudur, deyə ADIF-in icraçı direktoru Azad Cavadov bildirib. Ötən ildən Fond Azərbaycanda risk əsasında sığorta tətbiqi sistemi məsələsini araşdırır.

Tədbirin əsas məqsədi risk əsaslı sığorta haqlarının hesablanması sisteminə keçid ərəfəsində olan ölkələrin bu sahədə qarşılaşa biləcəkləri problemlər, risklərinin müəyyən edilməsi metodları, bank risklərinin kəmiyyət və keyfiyyət göstəriciləri üzrə qiymətləndirilməsi, bankların risk dərəcələrinə görə qruplara bölünməsi və reytinqlərinin müəyyən olunması barədə beynəlxalq qabaqcıl təcrübənin öyrənilməsi və iştirakçılar arasında geniş təcrübə mübadiləsidir.

Seminarda əsasən Amerika, Asiya, Avropa və MDB-nin 25 ölkəsindən depozitlərin sığortalanması fondları, mərkəzi banklar və beynəlxalq maliyyə qurumlarının 50-dən artıq nümayəndəsi, Azərbaycan Respublikası Mərkəzi Bankının və Fonda üzv bankların nümayəndələri də iştirak edir. ADIF EARC IADI-də 2012-ci ildən sədrlik edir.

ADİF prezident İlham Əliyevin 9 fevral 2007-ci il tarixli Fərmanına əsasən yaradılıb. Fondun yaradılmasının məqsədi banklar və xarici  bankların yerli filialları ödəmə qabiliyyətini itirdikdə fiziki şəxslərdən  əmanətə qəbul olunmuş pul vəsaitinin itirilməsi riskinin qarşısını almaq, maliyyə və bank sisteminin sabitliyini və inkişafını təmin etməkdir. --17D—