AzMeCo tikinti şirkəti təsis edib

Azərbaycandakı yeganə metanol zavodunun sahibi AzMeCo şirkəti iyulda “AzMeCo İnsaat” tikinti şirkəti təsis edib. Yeni şirkətin yaradılmasının məqsədi açıqlanmır, amma məlumdur ki, bu ilin mayında şirkət Rusiya “Sberbank”ı ilə başqa layihələrlə yanaşı Qaradağ rayonunda metanol zavodunun $450 mln məbləğində əlavə maliyyələşdirilməsi barədə müqavilə imzalayıb.

Metanol zavodu 2013-cü ildə istismara verilib. Müəssisənin məhsuldarlığı 720 min ton qiymətləndirilir. Şirkət istehsal həcmini açıqlamır. Əvvəllər məlumat verilmişdi ki, hər gün 1 min ton məhsul istehsal edilir. Mütəxəssisələrin fikrincə, Azərbaycanın metanol ehtiyacı ildə 20 min tondan çox deyil. AzMeCo-ya qazı ARDNŞ verir.

Zavodun tikintisinə 350 mln manat qoyulub. Maliyyəni ABB və AYİB ayırıb.

AzMeCo 2007-ci ildə yaradılıb. Nizamnamə kapitalı $00 mln-dur. Şirkət PNN Group qrupuna daxildir. Qrupun neft-qaz və neft-kimya aktivləri, Azərbaycan, Rusiya, Niderland, Özbəkistan, Əfqanıstan və Türkiyədə xırda biznesi var. AzMeCo-nun Azərbaycanda 7 şirkəti (“AzMeCo Construction Group”, “Fateh and AzMeCo EPC Group”, “AzMeCo Oil Rafinery” and Petrochemical Technologies”, “AzMeCo Alternativ Enerji”, “AzMeCo Green Houses” və s.), eləcə də “AzMeCo İnternational Finance Limited” şirkətinin nümayəndəliyi var.

Metanol şəffaf, duru neft-kimya birləşməsidir. Ondan sənayedə sənaye və istehlak malları, o cümlədən sintetik materiallar, təkrar istehsala yarayan plastmass, məişət boyası, yapışqan, aspirin tibb preparatı istehsal edilir. 08