ƏMDK daşınmaz əmlakların özgəninkiləşdirilməsi prosesinin sadələşdirilməsi barədə təklif hazırlayıb
Yaxın vaxtlarda Əmlak Məsələləri Dövlət Komitəsi daşınmaz əmlakların özgəninkiləşdirilməsi prosesinin sadələşdirilmiş formasını vətəndaş və şirkətlərə təqdim edəcək. Bu, onları süründürməçilikdən qismən azad edəcək.
ƏMDK mətbuat xidmətində Turan-a bildiriblər ki, yenilik daşınmaz əmlaka dair məhdudiyyət (yüklülük) barədə arayışların (əhali arasında bu Forma 1 arayışı adı ilə adlandırılır) real vaxt rejimində notariuslara verilməsi olacaq. İndiyədək əmlak alqı-satqısı, bağışlanması zamanı vətəndaşlar bu əmlakın ona məxsus olduğu və ya girovda, həbsdə olub-olmadığı barədə dövlət reyestrindən arayış almalı olurdu. Proses 1-5 iş günü çəkəcək.
Yenilik Dünya Bankının dəstəyi ilə icra olunan “Daşınmaz Əmlakın Qeydiyyatı” layihəsində sayəsində mümkün olub.
Qeyd edək ki, vətəndaşlar daşınmaz əmlakın ilkin qeydiyyatından daha çox narazıdır. Bir çox hallarda Daşınmaz Əmlakın Dövlət Reyestri Xidməti icazə sənədi olmadığı üçün mülkiyyət hüququnun qeydiyyatından imtina edir. Dövlət başçısı 2011-ci ildə hökumətə bu problemi həll etməyi tapşırıb. Amma hazırlanan qanun layihəsi hökumətdə it-bata düşüb. 08D
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz