Özəlləşdirilən səhmdar cəmiyyətlərin torpağının satışa çıxarılması fond bazarını təhlükə altına qoyur. Müşahidəçilərin fikrincə, torpaq sahələri hərrac vasitəsilə satılandan sonra səhmlərin qiyməti sürətlə düşür.
Sabah Oğuz rayonunda “Oğuz Nəqliyyat” ASC-nin 13 527 m2 torpağının satışı üzrə hərrac keçiriləcək. Start qiyməti 6899 manatdır. Ötən şənbə günü Əmlak Məsələləri Dövlət Komitəsi “Kürdemir Təmir Tikinti” ASC-nin torpağının satıldığını elan etdi. 20 sot torpaq 1276 manat qiymətləndirildi. Bu il ƏMDK hər ay özəlləşdirilən səhmdar cəmiyyətlərin torpağını satışa çıxarır. Səhmdarlar bildirir ki, onlar bu torpaqların özəlləşməsindən istifadə etmək hüququndan məhrumdur. Satışa təkcə müflisləşən SC-lərin yox, işləyən müəssisələrin də torpağı çıxarılır. Bu yaxınlarda “Pasha Constraction”in nəzarət etdiyi “Bakı Dəmir Beton-8”in torpağı özəlləşdirilib.
Fond bazarının fəal iştirakçılarından olan Vəzir Rəcəbov Turan-a bildirib ki, SC-lərin altındakı torpağın özəlləşdirilməsindən formal imtina minoritarları mülkiyyət hüququndan məhrm etmək üçündür. «ƏMDK məmurları investorları hərraca buraxmır. Mən “Cəlilabad Şərab-1” ASC-nin 2 ha torpağının özəlləşdirilməsində iştirak etmək istədim. Hərrac mərkəzində mənə qeydiyyat forması vermədilər. Rəhbərliyə şikayətim eşidilmədi», deyə investor qeyd edib.
Hazırda ƏMDK bir neçə elektron xidmət göstərir, onların sırasında dövlət əmlakının özəlləşdirilməsi üzrə hərracda iştirak üçün müraciət yoxdur. Komitə bu xidməti yaxın vaxtlarda göstərməyi planlaşdırmır. 08B
İqtisadiyyat
-
Azərbaycanın turizm sektoru 2024-cü ilin ilk doqquz ayında bərpa və inkişaf əlamətlərini nümayiş etdirərək, pandemiya sonrası dövrdə sahənin dayanıqlılığını və uyğunlaşma qabiliyyətini vurğulamışdır. 2024-cü ilin sentyabr ayına olan məlumata əsasən, ölkəyə təxminən 2,086 milyon xarici turist səfər etmişdir ki, bu da 2022-ci ilin eyni dövrü ilə müqayisədə 30.2% artım deməkdir. Xüsusilə 2024-cü ilin iyul ayında ölkəyə gələn turistlərin sayı 271,591 nəfər təşkil edərək, ötən ilin eyni dövrü ilə müqayisədə 21% artım göstərmişdir.
-
Transxəzər Beynəlxalq Nəqliyyat Marşrutu üzrə yük daşımaları 2024-cü ilin ilk doqquz ayında əhəmiyyətli dərəcədə artıb və bu artım iştirakçı ölkələrin nəqliyyat dəhlizlərini və logistika infrastrukturunu gücləndirmək istiqamətində atdığı ardıcıl addımlarla dəstəklənib. Asiya və Avropa arasında Xəzər dənizi vasitəsilə əlaqə yaradan bu strateji marşrut, 2022-ci ilin eyni dövrü ilə müqayisədə yük həcminin 2,7 dəfə artması ilə özünü ənənəvi ticarət yollarına alternativ kimi göstərir.
-
2024-cü ilin sentyabr ayında Bakıda tikinti materiallarının qiymətləri əvvəlki ayla müqayisədə orta hesabla 0,9% artıb. Bu, tikinti sektorunda nisbətən sabit, lakin az miqdarda inflyasiyalı bir tendensiyanı əks etdirir. Bu tendensiya yerli tələbat amillərinin və əsasən taxta və armaturlar kimi materialların idxal qiymətlərindəki dəyişikliklərin təsiri ilə formalaşıb.
-
Böyük Britaniya İslam Ticarət Assosiasiyası və Azərbaycan Qida və İçki İstehsalçıları Assosiasiyası 8-9 oktyabr 2024-cü il tarixlərində Bakıda keçirilmiş birinci Azərbaycan Halal Biznes və Turizm Forumu (AZHAB Forum) zamanı Anlaşma Memorandumu (MoU) imzalayıblar.
Rəy yaz