Əmlak hüququnu Azərbaycan müstəqillik əldə edənə kimi verilən sənədlərlə də almaq mümkün olacaq
Azərbaycan prezidenti İlham Əliyev “Daşınmaz əmlakın dövlət reyestri haqqında” AR Qanunu qüvvəyə minənədək əldə edilmiş və yaranmış daşınmaz əmlak obyektləri üzərində hüquqların əldə edilməsini təsdiq edən sənədlərin Siyahısı”nda dəyişiklik edilməsi barədə fərman imzalayıb.
Siyahıya fərdi mənzil, habelə kooperativ evlərin və bağların tikilməsi üçün mənzil-tikinti və bağ-tikinti kooperativlərinə, çoxmənzilli yaşayış evlərinin tikintisi üçün fərdi evtikdirənlərin mənzil-tikinti kollektivlərinə torpaq sahələrinin ayrılması barədə müvafiq olaraq şəhər, qəsəbə və kənd xalq deputatları sovetlərinin icraiyyə komitələri tərəfindən qəbul edilmiş qərarlar da daxil edilib.
Yuxarıda deyilən siyahı 13 yanvar 2015-ci ildə təsdiq eidlib. Bundan sonra əsasən Abşeron rayonunda fərdi tikililərin bir hissəsi mülkiyyət sənədi alıb. Amma hələ də yüz minlərlə fərdi evin mülkiyyət sənədi yoxdur. Müstəqil ictimai təşkilatların çoxsaylı araşdırmaları nəticəsində məlum olub ki, sənəd alınmasında problem bu evlərin icra hakimiyyətinin razılığı olmadan bələdiyyələrin yer ayırması və ya satması sənədi əsasında tikilməsidir. 08D
İqtisadiyyat
-
Azərbaycan hökuməti neft hasilatını sabitləşdirmək niyyətindədir. Bunu bu il prezident İlham Əliyev də açıqlayıb. "Neft hasilatının sabitləşməsi istiqamətində işlər gedir, hesab edirəm ki, yaxın gələcəkdə nəticələr olacaq. Bizə sabit neft hasilatı lazımdır və biz investorlar qarşısında bu vəzifəni qoymuşuq", - o, çıxışlarının birində qeyd etmişdi.
-
Dünya Bankının nümayəndələri, Azərbaycanın Rəqəmsal İnkişaf və Nəqliyyat Nazirliyi və Bakı Beynəlxalq Dəniz Ticarət Limanının (BBDTL) rəhbərliyi bazar ertəsi Ələt qəsəbəsində Xəzər dənizindəki ən böyük limanın inkişafının ikinci mərhələsinin həyata keçirilməsini müzakirə ediblər.
-
Azərbaycanın əsas kapitalına yatırımlar 2024-cü ilin ilk 11 ayında 15,91 milyard manat (9,36 milyard dollar) təşkil edib ki, bu da ötən ilin eyni dövrü ilə müqayisədə 3,8% azalma deməkdir. Bu barədə cümə axşamı Dövlət Statistika Komitəsi məlumat yayıb.
-
Abşeron yarımadasında əlamətdar bərpa olunan enerji layihəsinin həyata keçirilməsi məsələləri Energetika Nazirliyi yanında Alternativ və Bərpa Olunan Enerji Mənbələri üzrə Dövlət Agentliyində (AREA) dekabrın 11-də keçirilmiş görüşün əsas müzakirə mövzusu olub. Layihə cari ilin 1 mart tarixində Bakıda imzalanmış Anlaşma Memorandumu çərçivəsində İspaniyanın mühəndislik nəhəngi Elecnor ilə əməkdaşlığı nəzərdə tutur.
Rəy yaz