![Əmlak Məsələləri Dövlət Komitəsi 500 xarici şirkətə müraciət edib](https://turan.az/resized/./turan-750-500-resize.webp)
Əmlak Məsələləri Dövlət Komitəsi 500 xarici şirkətə müraciət edib
Bakı/09.10.17/Turan: İqtisadiyyatın inkişafı üzrə Strateji Yol Xəritəsinə uyğun olaraq Əmlak Məsələləri Dövlət Komitəsi özəlləşdirmə prosesinin sürətləndirilməsi, özəlləşdirmə və birbaşa xarici investisiya üçün uyğun investorların cəlb olunması məqsədi ilə 500-ə yaxın şirkətə, 40-a yaxın investisiya fonduna, beynəlxalq konsaltinq şirkətinə müraciətlər ünvanlayıb.
Hələlik özəlləşdirmədə yalnız yerli şirkətlər iştirak edir.
Xarici investorların özəlləşmə prosesinə xarici cəlb edilməsi məqsədilə Almaniya, ABŞ, Fransa, Ukrayna, Rusiya Çin, Türkiyə, Hindistan, İngiltərə, İran, BƏƏ-dən olan potensial investorlarla görüşlər keçirilib. Özəlləşdirilmə prosesinə yatırılan əcnəbi sərmayələrin artırılması məqsədilə, Amerika Ticarət Palatası, Türkiyə-Azərbaycan İş Adamları və Sənayeçilər İctimai Birliyi, Almaniya-Azərbaycan Xarici Ticarət Palatası, Qara Dəniz İxracatçılar Birliyi ilə birgə əməkdaşlıq istiqamətində işlər görülüb. Özəlləşdirməyə çıxarılan müəssisələr barədə təqdimatlar Bakıda və xaricdə təşkil edilən biznes forumlarda keçirilib. Bu görüş və tədbirlərin nəticəsi barədə məlumat verilmir.
Bu il ƏMDK 40-dək hərrac keçirib. Onlara 1400 müəssisə və obyekt çıxarılıb. Amma onların çoxu müştəri olmadığı üçün təkrar təklif edilir. Komitə 2016-cı ilin sentyabrından investisiya müsabiqəsi yolu ilə Daşkəsən Dağ-Mədən Kombinatını satmaq istəyir. Bu müəssisə iki dəfə investisiya müsabiqəsi yolu ilə xarici investorlara təklif edilib, amma sonradan nəticələr ləğv edilib, amma investorlara kompensasiya verilməyib. 08D--
-
- İqtisadiyyat
- 9 Oktyabr 2017 12:29
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz