Əmtəə nişanının iddia sənədinin ekspertizası üzrə xidmətə görə ödəniş məbləği təsdiqlənib
Nazirlər Kabineti avqustun 14-də əmtəə nişanının və ya coğrafi göstəricinin qeydə alınması barədə verilən iddia sənədinin aid edildiyi əmtəə və ya göstərilən xidmətlərin qiymətini açıqlayıb. Ekspertizanı Standartlaşdırma, Metrologiya və Patent üzrə Dövlət Komitəsi həyata keçirir.
Ekspertiza 2 mərhəldə aparılır. Əmtəə nişanının və ya coğrafi göstəricinin qeydə alınması barədə verilən iddia sənədinin aid edildiyi əmtəə və ya göstərilən xidmətlərin 1-dən artıq olmayan sinfi üçün iddia sənədinin ilkin ekspertizası 40 (ağ-qara) və 50 (rəngli) manat qiymətləndirilir.
Onların ekspertizası zamanı bu ödəniş 130 və 160 manat olacaq. Müştəri ekspertizanın bir ay ərzində keçirilməsini istəyirsə, əlavə 120 manat ödəməlidir.
Nişanların beynəlxalq sistem vasitəsilə qeydiyyatı üzrə bir ədəd iddia sənədinin qəbulu, hazırlanması və göndərilməsi üçün 40 manat alınacaq.
2012-ci ilin iyulunda Azərbaycanda "Əmtəə nişanları və coğrafi göstəricilər haqqında" Azərbaycan Respublikasının Qanununda dəyişikliklər edilməsi barədə" qanun qüvvəyə minib. Nazirlər Kabinetinin qərarı bu qanunun icrasına yönəldilib. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz