Energetikin başına gələn bədbəxt hadisəyə görə "Qala Həyat Sığorta" iri ödəniş edib

"Qala Həyat Sığorta" şirkəti bu il istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə birdəfəlik iri (20,64 min manat) sığorta ödənişi edib. 

Şirkətin məlumatında deyilir ki, enerji şirkətlərinin birinin işçisi istehsalatda əmək qabiliyyətinin 80%-i itirib. 

Azərbaycanda hələlik həyat sığortası üzrə ixtisaslaşıb, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta edən 3 şirkət var. 

2010-cu ilin noyabrında Nazirlər Kabinetinin təsdiq ertdiyi tariflərlə iqtisadi fəaliyyət növləri 14 risk dərəcəsinə bölünüb. Müəssisənin risk dərəcəsindən asılı olaraq sığorta ödənişi həcmi 0,2%-2%-dir. Qanuna əsasən, sığorta tarifi müəssisənin maaş fonduna köçürülür. Qanun 3  sığorta ödənişi növünü nəzərdə tutur: aylıq, bir dəfəlik və əlavə. «Qala Sığorta» ASC sığorta bazarında 2008-ci ilin iyulundan 5 illik lisenziya ilə fəaliyyət göstərir. Nizamnamə fondu 4,35 mln manatdır. 

Onun səhmlərinin sahibləri AzRe təkrarsığorta şirkəti (60%) və bir fiziki şəxs – Nizami Mahmudovdur (40%). Ötən il şirkət 6 mln 356,15 min manat mükafat yığıb, 144,17 min manat ödəniş edib. --17D—