İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti "ENGİN LTD" MMC-ni çox böyük məbləğdə cərimə edib. Reklam qaydalarını pozduğu üçün şirkət 1 mln 784 min 484 manat cərimə olunub. İİN-in məlumatına görə, (http://www.economy.gov.az/index.php/az/ministry/press/news/1226-engin-ltd) “reklam yayımı sahəsində aparılan monitorinqlər zamanı "Blend-a-med" diş məcunu, "Oral-B" diş fırçası və "Always-Ultra" qadın bezlərinin reklamlarında istehlakçıların seçim sərbəstliyinə təsir göstərən qanunsuz reklamdan istifadə edildiyi müəyyən olunmuşdur”.
Bununla əlaqədar həmin reklamların sifarişçisi olan "ENGİN LTD" MMC-yə qanunsuz reklamların yayımının dayandırılması barədə göstəriş verilib və reklamların mövcud qanunvericiliyin tələblərinə uyğunlaşdırılması təmin edilib.
Demə, "ENGİN LTD" MMC rəhbərliyi istintaqa yalan məlumatlar verib. Belə böyük cərimə bununla əsaslandırılır. Şirkətin təmsilçiləri Turan-ın suallarına cavab verməkdən imtina edib.
Bu, "ENGİN LTD" MMC-nin İİN-lə ilk münaqişəsi deyil. 2010-cu ilin aprelində Antiinhisar Siyasəti və İstehlakçıların Hüquqlarının Müdafiəsi Dövlət Xidməti şirkətin anbarlarında 12 ton vaxtı keçmiş, ərzaq, 43 min keyfiyyətsiz qeyri-ərzaq malları aşkarlayıb.
Bu distribütor şirkətinin bazarı inhisarlaşdırması miqyasını müəyyən etmək üçün onun tərəfdaşı olan məşhur şirkətlərə nəzər salaq. Onların sırasında The Procter & Gamble Company, Gillette, Walkers, Lorenz Snack-World, Wella, Ferrero, Uni və başqaları var. Lisenziyalı mallar bazarının yarıdan çoxu bunların payına düşür..
MMC-nin təsisçisi Anar Akif oğlu İbrahimov, nizamnamə kapitalı $ 463 mindir.
Çeşiddən görünür ki, şirkət ölkənin bütün ticarət məntəqələri ilə işləyir. Amma o, ictimaiyyət üçün qapalıdır. www.engin.az səhifəsində “yeniliklərdən” məlum olur ki, 2011-ci ildə İngiltərənin Walkers şirkəti ilə tərəfda olub. Xəbərlər bölməsi boşdur.
Ekspertlər hesab edir ki, belə imkanlar yüksək rütbəli məmurlara yaxın adamlarda ola bilər. Bundan başqa, şirkət iri vergi ödəyicisi deyil, bu da “yuxarıdan” dəstək olduğunu göstərir. Şirkətin İİN ilə münaqişəsinin səbəbi aydın deyil və yəqin ki, «sifarişlidir». --17D—
İqtisadiyyat
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
-
Prezident İlham Əliyev 27 dekabrda 2025-ci il Dövlət Sosial Müdafiə Fondu büdcəsi haqqında qanunun tətbiqi barədə fərman imzalayaraq, fondun maliyyə çərçivəsinin səmərəli icrasını təmin etmək üçün tədbirlər müəyyən etdi.
-
Azərbaycan Respublikasının Prezidenti İlham Əliyev, Milli Məclis tərəfindən 16 dekabr 2024-cü ildə təsdiq edilmiş 98-VIIQD nömrəli qanuna əsasən, ölkənin Vergi Məcəlləsinə edilən dəyişikliklərin tətbiqi ilə bağlı fərman imzalayıb. Cümə günü dərc olunan fərman, vergi inzibatçılığının optimallaşdırılması və yenilənmiş qanunvericilikdə nəzərdə tutulan hüquqi çərçivənin gücləndirilməsi məqsədi daşıyır.
Rəy yaz