«Ərzaq məhsullarının tədarükü və təchizatı» ASC yaradılıb

Prezident İlham Əliyev “Ərzaq məhsullarının tədarükü və təchizatı” Açıq Səhmdar Cəmiyyətinin yaradılması haqqında sərəncam verib.

Şirkət kənd təsərrüfatı məhsullarının istehsalını və  emalını stimullaşdırmaq, kənd təsərrüfatı məhsulları istehsalçılarının inkişafını təmin etmək, ərzaq məhsullarının keyfiyyətini daha da artırmaq, dövlət vəsaitlərindən səmərəli istifadəni təmin etmək, regionlarda kənd təsərrüfatı ilə məşğul olan əhalinin sosial rifahının yaxşılaşdırılmasına zəmin yaratmaq, dövlət sifarişi ilə ərzaq məhsullarının satın alınmasının mərkəzləşdirilmiş qaydada həyata keçirilməsini təmin etmək məqsədi ilə yaradılıb.

SC Kənd Təsərrüfatı Nazirliyinə tabe olacaq.

Sərəncama əsasən, Nazirlər Kabineti Cəmiyyətin Nizamnaməsini və strukturunun təsdiq edir, nizamnamə kapitalının miqdarının müəyyən edir.

Kənd Təsərrüfatı Nazirliyi Cəmiyyətin illik hesabatlarının, mühasibat balanslarının, mənfəət və zərər hesablarının təsdiq edilməsi, mənfəətinin və zərərinin bölüşdürülməsininə cavabdehdir.

Prezident Müşahidə Şurasının və İdarə Heyətinin sədrini, onların müavinlərini təsdiq və azad edir.

Nazirlər Kabineti Cəmiyyətin Nizamnaməsini və strukturunu bir ay müddətində Azərbaycan Respublikasının Prezidenti ilə razılaşdıraraq təsdiq edir, nizamnamə kapitalının formalaşdırılması üçün bir ay müddətində dövlət büdcəsindən zəruri maliyyə vəsaitinin ayrılması məsələsini həll edir.

Dövlət qeydiyyatından sonra səhmlərin 49%-i fond birjasında digər investorlara təklif ediləcək. Səhmlərin satışından əldə edilən məbləğ dövlət büdcəsinə köçürüləcək.

Bu gün «Dövlət satınalmaları haqqında qanun»a dəyişikliklər də qüvvəyə minib. Bu qanuna əsasən, bundan sonra dövlət təşkilatları üçün ərzaq mallarının satın alınması mərkəzləşdirilmiş qaydada həyata keçiriləcək.

Dövlət müəssisələri və təşkilatlarının ərzaq malları ilə mərkəzləşdirilmiş şəkildə həyata keçirilməsi Qaydalarına əsasən, Nazirlər Kabineti bir ay müddətində informasiya forması, deyilən dövlət strukturlarının tələbatı, satınalma şərləti haqda elanı, tərəflər arasında (Kənd Təsərrüfatı Nazirliyi, satınalan və təchiz edən agent, istehsalçılar və ərzaq malları satanlar) satınalma müqavilələri formasını hazırlamalıdır.

Kənd Təsərrüfatı Nazirliyi iki ay müddətində «Satınalma təşkilatlarının ərzaq mallarına tələbatı» elektron portalını yaradıb istifadəyə verməlidir. 08D