Əsəb sistemi xəstəliklərindən ölüm halları iki dəfə artıb

 Son üç ildə əsəb sistemi xəstəliklərindən ölüm halları iki dəfə artıb. Əgər 2009-cu ildə əsəb sistemi xəstəliklərindən 687 nəfər ölübsə, 2010-cu ildə 789, 2011-ci ildə 1284 və 2012-ci ildə 1338 nəfər dünyasını dəyişib, deyə Dövlətstatkomda Turan-a bildiriblər. 

2012-ci ildə Azərbaycanda xərçəng xəstəliyindən 5886 ölüb. Bu, ölüm hallarının 10,7%-dir. 2011-ci ildə  bu göstərici 11,1%, 2009-cu ildə 13,1% təşkil edib. Onkoloji xəstəliklər əvvəlkitək ölüm hallarında ikincidir. 

İnsanlar əsasən qan dövranı xəstəliklərindən ölür. 2012-ci ildə bu səbəbdən 34 832 nəfər və ya 63,3% dünyasını dəyişib. Ürək 2011-ci ildəkindən 6% çox halda döyünməkdən imtina edib (32 835 nəfər).  Qan dövranı xəstəlikləri başqa xəstəliklərdən aktiv artır. 2000-ci ildə ürək xəstəliklərindən ölənlər 56,1% idi. 

Dövlətstatkom son 12 ilin ölüm statistikasını açıqlayır. Analiz göstərir ki, bir sıra xəstəliklər azalır. Bunlar yoluxucu və parazit xəstəlikləri (2012-ci ildə 1%, 2000-ci ildə 3,3%, ), nəfəs yolları xəstəlikləri (3,1% və 9%), həzm sistemi (5,4% və 5,6%), qan və başqa xəstəliklər (0,16% və 0,35%), endokrin sistemi (1,6% və 2,3%) xəstəlikləridir.

2012-ci ildə zədə, zəhərlənmə və başqa təsirlərdən 2467 nəfər ölüb. Bu, 2011-ci ildəkindən 7 nəfər çoxdur. 08B