Eston sahibkarları Bakıda müflislik üzrə pul tələbini hərraca çıxarıblar

Azərbaycanın dövlət qəzetlərindən birində Estoniyanın “Seaside Residence Baku OÜ” şirkətinin elanı çıxıb. Orada deyilir ki, 1 687 min avro pul ödənişinin satışı üzrə hərrac keçirirlər. 2007-ci ildə eston sahibkarlar Bakıda daşınmaz əmlak üzrə nəhəng investisiya planı barədə məlumat verdilər. Amma sonrakı illərdə bu investisiya dələduzluğu ifşa edildi. 

“Seaside Residence Baku OÜ” şirkətinin müflislik üzrə rəhbəri Toomas Saarma oktyabrın 15-ə kimi hərracda iştirak etmək istəyənlərdən sifariş qəbul edəcək. Pul tələbi Azərbaycanda qeydiyyatdan keçmiş “Delta Land” investisiya layihəsindəki payı və bu şirkətin “Seaside Residence Baku OÜ”ya borcundan ibarətdir.     

2007-ci ilin iyulunda Gild Financial Advisory Service AS investisiya şirkəti Estoniyada Azərbaycanda Xəzərin sahilində, ölkə prezidentinin iqamətgahı ilə yanaşı daşınmaz əmlak tikintisi layihəsinin təqdimatını keçirdi. 

Layihəni üç il yarıma Estoniyanın Seaside Residence Baku OÜ şirkəti və Bolqarıstanın Delta Investment Group firması həyata keçirməli idi. Hər iki firma üç eston biznesmeninə məxsusdur. 

Firma bu layihənin həyata keçməsi üçün investorlara pay təklif edərək pul yığdı. Payın minimal qiyməti 50 min avrodur. Xəzərin sahilində yaşayış rayonunun tikintisini bank krediti və pay satışı ilə maliyyələşdirmək nəzərdə tutulur. 

Eston KİV-i yazır ki, layihə onunla başa çatdı ki, investorlıarın nə pulu, nə torpağı var. 08B