Gürcüstanın yeni hökuməti ölkənin xarici siyasi kursunun ardıcıllığını saxlayacaq. Bu barədə Gürcüstanın Azərbaycandakı səfiri Teymuraz Şaraşenidze bu ölkədə keçirilən parlament seçkilərinin yekunları ilə bağlı bugünkü mətbuat konfransında bildirib. Qeyd edək ki, parlament seçkilərində müxalifətin “Gürcü arzusu” koalisiyası qalib gəlib.
Koalisiyanın lideri Bidzina İvanişvili yeni hökumətə rəhbərlik edəcək. Postsovet dövründə ilk dəfə olaraq Gürcüstanda hakimiyyətin dinc yolla, inqilabsız, zorakılıq olmadan dəyişdirilməsi baş verir.
Səfir qeyd edib ki, xarici siyasətdə prioritetlər Avropa və Avroatlantik strukturlara inteqrasiya, strateji tərəfdaşlarla, o cümlədən ABŞ və Azərbaycanla münasibətlərin genişləndirilməsi, regional qonşularla əlaqələrin inkişafı olacaq.
Eyni zamanda Gürcüstan Rusiya ilə dialoqa açıq olacaq. Lakin Gürcüstanın milli maraqlarına zərər vuran məsələlər danışıqların predmeti ola bilməz.
“Gürcüstan ərazisində Rusiyanın üç səfirliyi fəaliyyət göstərə bilməz”, - Şaraşenidze Cənubi Osetiya və Abxaziyanın müstəqilliyinin Gürcüstan üçün qəbuledilməz olduğuna işarə edərək bildirib. Onun fikrincə, bu mərhələdə söhbət Rusiya ilə iqtisadi və mədəni əlaqələrin bərpasında gedə bilər.
Gürcüstan hökumətinin yeni rəhbəri ilə Azərbaycan rəhbərliyi arasında əlaqəyə gəlincə, İvanişvilinin ilk səfəri ABŞ-a olacaq.
Bundan sonra Azərbaycana da səfər razılaşdırıla bilər.
Gürcüstanla Azərbaycan arasında sərhəddin delimitasiyası ilə bağlı vəziyyətə dair sualın cavabında səfir bunu “incə məsələ” adlandırıb. Lakin dövlət sərhəddinin 2/3 hissəsi razılaşdırılıb. Görünür, yeni hökumət formalaşdıqdan sonra bu məsələ ilə yeni adamlar məşğul olacaqlar. Səfir ümidvar olduğunu bildirib ki, tezliklə tərəflər bu mövzunu uğurla başa vuracaqlar. “Əsas odur ki, bundan ötrü tərəflərin iradəsi var”, - o qeyd edib.
Bakı-Tbilisi-Qars dəmir yolu layihəsinə toxunan Şaraşenidze deyib ki, Azərbaycan və Gürcüstan ərazisində işlər başa çatıb, Türkiyə tərəfi isə işlərin yubadılmasını relyefin mürəkkəbliyi ilə izah edir.
Gürcüstan regional layihələrə sadiqliyini saxlayır və regional əməkdaşlıqda daha fəal iştirak etmək niyyətindədir.
Səfir qeyd edib ki, rəsmi Tbilisi GUAM ilə ardıcıllığını saxlayacaq. O əlavə edib ki, Azərbaycan sədrlik edən təşkilat kimi, dekabrda Bakıda GUAM-ın sammitinin keçirilməsini təklif edir. —06S-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz