Ev təsərrüfatlarının xərcləri gəlirlərindən 3,1% çoxdur

2013-cü ildə Azərbaycanda ev təsərrüfatlarında adambaşına aylıq gəlirlər əvvəlki illə müqayisədə 12,4% artaraq 214,7 manat olub. Amma onlar gəlirlərindən çox xərcləyiblər.

Dövlətstatkoma görə, ötən il hər bir öyrənilən ev təsərrüfatlarında ailə üzvünün maaş üzrə aylıq gəliri orta hesabla 70,7 manat (+13,8%) olub. DSK-nın hesablamasına görə, əhali müstəqil məşğuliyyətdən pis qazanmır: 2013-cü ildə bu mənbə hər ailə üzvünə 55,2 manat gətirib. Bu ev təsərrüfatları üzrə ümumi məlumatlar hökumət tərəfindən bütün əhaliyə aid edilir və bununla rifah və yoxsulluq səviyyəsi müəyyən olunur.

Kənd əməkçiləri yüksək gəlirə malikdir. 2013-cü ildə ev təsərrüfatlarında hər bir ailə üzvünün kənd təsərrüfatı işlərindən gəlirləri ayda 29,8 manat olub. Bu, 2012-ci ildəkindən 13,3% çoxdur. Gəlirlərin strukturunda pensiya həcmi (29,3 manat) bu göstəriciyə uyğundur. 

Ailələrin başqa gəlirləri ayda 16,5 manat (+14,5%) olub. Dövlətstatkomda Turan-a bildiriblər ki, bu gəlirlərə valideynlərə və əksinə kömək, qeyri-leqal gəlirlər daxildir. Ötən il xaricdən hər ailə üzvünə ayda 5,80 manat göndərilib. Bu, 2012-ci ildəkindən 50 qəpik çoxdur.

Xərclərin strukturunda (ayda 221,4 manat) ötən il ərzaq xərcləri (alkoqollu işkilər və tütün məmulatı nəzərə alınmadan) üstünlük təşkil edib  - 91,8 manat. Onların alınmasına xərclərin artımı 4,5 manat təşkil edib. Ümumən, adambaşına aylıq xərclər 19,4 manat artıb. Kommunal xərclər ötən il 14,9-dan 17 manata artıb. Əhali paltar və ayaqqabı almaq üçün ötən il ayda 15,9 manat və ya 2012-ci ildəkindən 2,1 manat çox xərcləyib.    

Vətəndaşlar bəyan ediblər ki, 2013-cü ildə orta təhsil və tibbi xidmətə ayda 10,3 və 4,3 manat xərcləyiblər. Ötən il rabitə xərcləri adambaşına 6,8 manat olub.

Nəqliyyat xərcləri (6,4%) 14,2 manat (2012-ci illə müqayisədə +14,5%) təşkil edib.

Maraqlıdır ki, yaşayış minimumu müəyyən ediləndə hökumət kommunal xidmət, nəqliyyat, təhsil və səhiyyə üzrə daha kiçik rəqəmlər götürür.

İstirahət, otellərdə qalma, restoran və kafelərə hər bir ailə üzvü 2013-ci ildə 9.3 və 18,7 manat xərcləyib.

DSK-ya görə, 2013-cü ildə ölkədə yoxsulluq səviyyəsi 5% olub.  08B