![EXPRESS-dən TAXI 189 müştəriləri üçün sığorta](https://turan.az/resized/./turan-750-500-resize.webp)
EXPRESS-dən TAXI 189 müştəriləri üçün sığorta
Tərəfdaş təşkilatlarla əməkdaşlığın genişləndirilməsi çərçivəsində və əhalinin geniş təbəqələrini keyfiyyətli siğorta xidmətləri və siğorta müdafiəsi ilə təmin etmək məqsədilə, Express Sıgorta Agentliyi 189 taksi sifarişi xidməti ilə saziş imzalayib.
“AXA MBASK” sığorta şirkətinin məlumatında deyilir ki, bu sazişə əsasən, 189 taksi sifarişi xidmətinin sürücüləri üçüncü şəxslərin qarşısında öz mülkü məsuliyyətlərini Express Sığorta Agentliyində sığorta edəcəklər. Bu sığorta ilə avtonəqliyyat vasitələri sahibləri üçüncü şəxslərin əmlak, həyat və sağlamlığına (yəni faktiki olaraq 189 taksi xidmətinin sərnişinlərinin həyat və sağlamlığına) dəyə biləcək zərərlərə görə öz məsuliyyətlərini icbari qaydada sığortalamış olacacaqlar.
Bu cür icbari sığorta müqaviləsinin təminatı yalnız taksi sürücüsünün günahından baş vermiş hadisələri əhatə etdiyi üçün Express Sığorta Agentliyi 189 taksi sifariş xidmətinə digər avtomobil sürücüsünün (qarşı tərəfin) təqsirindən baş vermiş hadisələri əlavə olaraq təminat altına alıb. Bu cür, daha geniş təminat təqsirkarın kimliyindən asılı olmayaraq yol-nəqliyyat hadisəsi nəticəsində sərnişinlərə tibbi xərclərin ödənilməsini nəzərdə tutur.
Ölkəmizin ən böyük sığorta agentliklərindən sayılan və Respublika ərazisində geniş agent və filial şəbəkəsinə sahib olan Express Sığorta Agentliyi 28 sığorta növü üzrə həm korporativ, həm də fərdi müştərilərə xidmət göstərir. Express Agentliyinin rəsmi sığorta tərəfdaşı, Azərbaycan sığorta bazarının aparıcı sığortaçılarından biri olan AXA MBASK sığorta şirkətidir.
Müştərilərin rahatlığını təmin etmək məqsədilə Express Agentliyi sığorta müqavilələrinin müştərilərin ünvanına “express” çatdırılma xidmətini təqdim edir.
Sığorta polisi əldə etmək üçün müştəri call center-ə (012) 488 6454) və ya agent mərkəzinə (012) 596 7088) zəng edə bilər.
Bu hadisəni şərh edən Express Agentliyinin təsisçisi Rəşad Abbasov bildirib: “189 taksi sifarişi xidməti ən böyük avtoparklardan birinə malikdir, hər gün 189 taksi xidmətindən minlərlə ölkə vətandaşı istifadə edir, 189 taksi xidmətinin keyfiyyətinə on minlərlə müştəri etibar edir və biz, şübhəsiz ki, on minlərlə taksi sərnişinlərinin sığorta müdafiəsinin məhz bizim agentlik vasitəsilə təmin olunmasına görə fəxr edirik. Express Sığorta Agentliyi üçün müştərilərə və partnyorlara göstərilən xidmətlərin səviyyəsi və sığorta xidmətlərin və təkliflərin keyfiyyəti – biznesin inkişafında ən əsas amillərdir.” --17D—
-
- İqtisadiyyat
- 30 Oktyabr 2013 11:50
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz