Fevralda AVSMMİS üzrə ödənişlər azalıb

İcbari Sığorta Bürosunun (İSB) üzvü olan sığorta şirkətləri 2015-ci ilin fevral ayında avtonəqliyyat vasitəsi sahiblərinin mülki məsuliyyətinin icbari sığortası üzrə 2 mln 99,884 min manat (ötən ilin fevralı ilə müqayisədə mənfi 154,3 min və ya 6,9%) ödəniş ediblər.

İSB-nin məlumatına əsasən, fevralda avtonəqliyyat vasitəsi sahiblərinin mülki məsuliyyətinin icbari sığortası üzrə 1,771 min tələb üzrə ödənişlər həyata keçiriblər (artım 2%).

O cümlədən nəqliyyat vasitəsinə dəyən ziyana görə 1646 sığorta tələbi üzrə 1 mln 870,064 min manat, əmlaka dəyən ziyana görə 87,07 min manat (50 tələb), sağlamlığa dəyən zərərə görə 77,75 min manat (62 tələb), ölümlə nəticələnmiş yol-nəqliyyat hadisəsinə görə 65 min manat (13 hadisə) məbləğində ödəniş həyata keçirilib.

Xatırladaq ki, avtonəqliyyat vasitəsi sahiblərinin mülki məsuliyyətinin icbari sığortası üzrə əmlaka dəymiş ziyana görə sığorta məbləği 5 min manat, sağlamlığa vurulan zərərə görə 5 min manat (bir nəfərə görə), bir sığorta hadisəsinə görə ümumi limit 50 min manat təşkil edir. Beləliklə, avtonəqliyyat vasitəsi sahiblərinin mülki məsuliyyətinin icbari sığortası üzrə ödənişin maksimum məbləği 55 min manat təşkil edə bilər.

İcbari Sığorta Bürosu “İcbari sığortalar haqqında” qanun çərçivəsində yaradılıb. 15 sığorta şirkəti İSB-nin üzvüdür. Onlardan 11-i AVSMMİS üzrə xidmət göstərmək hüququna malikdir.

Ötən il 2 sığortaçılar bu növ üzrə 26,833 mln. manat ödniş həyata keçiriblər (2013-cü ildəkindən 5,93% çox). --17D—