![Fitch AccessBank-ın reytinqini «BB+» səviyyəsində təsdiq edib](https://turan.az/resized/media/2013/main/020400027020-750-500-resize.webp)
Fitch AccessBank-ın reytinqini «BB+» səviyyəsində təsdiq edib
Fitch Ratings “AccessBank”ın uzunmüddətli emitent defoltu reytinqini (EDR) “BB+” səviyyəsində təsdiqləyib. Reytinq üzrə proqnoz “sabit”dir.
AccessBank-ın EDR və dəstək reytinqinin təsdiqi Fitch-in onun səhmdarları olan beynəlxalq maliyyə təşkilatları, o cümlədən KfW («AAA»/proqnoz «sabit»; payı 20%), AYİB («AAA»/proqnoz «sabit»; payı 20%) və BMK (20%) tərəfindən dəstəklənməsi ehtimalını əks etdirir. Fitch qeyd edir ki, müəyyən qeyri-müəyyənlik də var - zərurət yaransa, dəstək verilən zaman səhmdarların stukturunun fraqmetar xarakteri və bankın sahibi olan beynəlxalq maliyyə təşkilatları üçün onun məhdud strateji əhəmiyyəti nəzərə alınacaqmı? Bu səbəblərdən dəstək reytinqi «3», uzunmüddətli EDR «BB+» səviyyəsində təsdiq edilib.
Fitch-ə görə, əgər bu dəstəyin verilməsi ehtimalı azalarsa və ya ölkənin suveren reytinqi endirilərsə, bankın reytinqi endirilə bilər. Lakin bu iki ssenarinin heç biri agentlik tərəfindən gözlənilmir. Eyni zamanda, agentliyin bankın reytinqinin yaxın zamanlarda yüksəldilməsi ehtimalı da məhdud qiymətləndirilir.
AccessBank-ın «b+» davamlılıq reytinqi göstəricilərin potensial dövriliyi və aktivlərin keyfiyyəti ilə saxlanılır. Bu, yüksək volatillik və iqtisadiyyatın neft sektorundan asılılığı ilə bağlıdır. Fitch hesab edir ki, AccessBank-ın fondlanmadan çox asılılığı kredit qabiliyyəti üçün mənfi amildir.
Davamlılıq reytinqi yaxşı mənfəəti, güclü likvidliyi, aktivlərin keyfiyyətini, ziyanı absorbsiya qabiliyyətini əks etdirir.
Bildirilir ki, 2012-ci ilin sonuna vaxtı 90 gündən artıq keçmiş kreditlərin xüsusi çəkisi kredit portfelinin cəmi 0,7%-ni təşkil edir. Strukturu dəyişdirilmiş və silinmiş kreditlər 0,6% və 0,5%-dir. Eyni zamanda, qeyd olunur ki, Azərbaycanda kiçik və orta sahibkarlıq sahəsində problemli kreditlər 10%-ə yaxındır. Həmçinin kredit portfelinin genişlənməsi ilə paralel olaraq kiçik və orta sahibkarlıq sahəsindən olan borcalanlara verilən kreditlər üzrə nəzarət gücləndirilməlidir. Agentlik bankın kapital formasında olan ehtiyatlarının kifayət qədər olduğunu bildirir. Fitch qeyd edir ki, bank.2008-ci ilin 4-cü rübündən 2009-cu ilin I rübünə kimi müsbət tarixçəsi olsa da, qlobal resessiya şəraitində sınaqdan tam keçməyib.
Fitch AccessBank-ın fondlanmadan çox asılılığından narahatdır (2012-ci ilin sonu üçün öhdəliklərin 55%-i, səhmdarlardan birbaşa 17%).
Mənfəət hesabına kapital artımı ((ROAE və ROAA 2012-c ildə 3,5% və 17% olub) yaxşıdır, amma rəqabət artdığı üçüm yəqin ki, qısa müddətdə bir qədər azalacaq. Bank illik mənfəətin 40%-i qədər dividebd ödəmək istətyir
Agentliyin fikrincə, kapitallaşma azalarsa, aktivlərin keyfiyyəti pisləşərsə, bankın reytinqi endirilə bilər. Bu isə Azərbaycan iqtisadiyyatı zəiflədiyi, neft ucuzlaşdığı təqdirdə ola bilər.
AccessBank-ın yaxın vaxtlarda reytinqinin artırılması da az ehtimal olunur, əməliyyat mühitinin yaxşılaşması tələb edilir. Yaxşı göstəricilər uzun müddət davam etsə, fondlanmadan asılılıq azalsa, bu, kredit qabiliyyəti üçün müsbət hal olar. —15D--
-
- İqtisadiyyat
- 4 Fevral 2013 13:00
-
- İqtisadiyyat
- 4 Fevral 2013 13:06
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz