Yanvarda birja valyuta dövriyyəsi üçdə bir azalıb

Bakı Banklararası Valyuta Birjasının (BBVB) valyuta bölməsində hərrac həcmi 2013-cü ilin yanvarında $54,366 mln və ya 42,651 mln manat olub. 

Bu, ötən ayla müqayisədə 34,7%, 2012-ci ilin yanvarı ilə müqayisədə də 34,2% azdır. 

Hesabat dövründə hərracların birja elektron sistemində hər bir əqdin orta həcmi USD/AZN üzrə $2,471 mln, orta günlük dövriyyə $2,861 mln olub. 

2013-cü ilin yanvarında BBVB valyuta bölməsinin hərraclarında 8 bank iştirak edib. Hesabat ayında BEST-də 38 hərrac sessiyası keçirilib və 22 əqd qeydiyyata alınıb. 

EUR/AZN aləti üzrə dövriyyə 523 600 manat olub. Avronun manata nisbətdə orta ölçülmüş məzənnəsi 1,0472 manat olub. 

Milli valyutanın birja məzənnəsi hesabat ayında 1 USD üçün 0,3% artaraq 0,7856-dən 0,7834-ə artıb. Manatın ABŞ dollarına nisbətdə orta ölçülmüş məzənnəsi 1 USD üçün 0,7845 AZN təşkil edib. 2012-ci ilin dekabrında bu göstərici  0,7846 AZN idi. 

2013-cü ilin yanvarında BEST çərçivəsində fəaliyyət göstərən Banklararası Kredit bazarında ümumi hərrac həcmi 5 mln ekvivalenti olub. 

2013 -cü ilin yanvar ayında market meyker bankların 90 günlük Bakibor kreditlərinə sifarişlərinə əsasən nəzərdə tutulan orta aylıq faizli tarif manatla illik 11,39% və ABŞ dolları ilə illik 12,36% təşkil edib. BakiBİD tarifi 90 günlük müddətində manatla illik 5,54% və ABŞ dolları ilə 5,30% olub..--15B--