Fitch Azərbaycanın beş bankının reytinqini təsdiq edib

Fitch Ratings agentliyi beş Azərbaycan bankının xarici məzənnədə emitentin defolt reytinqini təsdiq edib. UniBank və DəmirBank “B” səviyyəsində, həmçinin AtaBank, AGBank və Bank Technique “B” səviyyəsində təsdiq olunub,  UniBank və DəmirBank banklarının reytinq üzrə proqnozları “Stabildən” “Pozitivə”, AGBank bankının reytinqinin proqnozu “Mənfidən” “Stabilə” dəyişdirilib.

Fitch Ratings agentliyinin məlumatında deyilir ki, reytinqlərin təsdiq olunmasında ümumilikdə sadalanan bankların kredit vermə bacarıqlarının göstəriciləri və onların mövcud ümumi iqtisadi vəziyyətləri əks olunub. Bankların ümumi iqtisadi vəziyyətləri neftə olan yüksək qiymətlər sayəsində dəstək olunur. Neftə olan yüksək qiymətlərin qeyri- neft sektoruna təsiri dövlət vəsaitlərin ayrılması ilə birlikdə böhrandan sonra səhmlərlə olan problemləri tədricən həll olunmasını dəstəkləyirdi. Bundan savayı, bankların (xüsusi ilə, UniBank və DəmirBankın) təmiz gəlirlərinin çoxalmasına daha yüksək marjalı pərakəndə kreditlərin və mikro kreditləşmənin artması müsbət şəkildə təsir etmişdi.

Bu bankların hamısı kapitala təzyiq ilə qarşılaşırlar (Unibankdan başqa). Çünki korporativ kreditləşmədə marjanın azalması, kiçik miqyaslı fəaliyyət və kaapitalın məhdudlaşdırılmış sayda yatırımının fonunda kapital mənfəət hesabına yarana bilmir.

2013-ci ildə AGBank-da orta kapital dəyərinin mənfəəti  (ROAE) 5%, AtaBank-da isə 10% təşkil edirdi. Eyni zamanda Demirbank və Unibank daxili mənbələrindən kapitallaşmanı yaxşılaşdırmaqlarının şansları daha yüksəkdir. Çünki bu iki maliyyyə təşkilatlarının ROAE göstəriciləri 2013-ci ildə kreditləşmənin artımı ilə müqayisə olunacaq səviyyədədirlər”, deyə agentlik qeyd edir.

Fitch Ratings-in fikrincə, Unibank və DəmirBank aktivlərin keyfiyyətini qorusa, intensiv rəqabət şəraitində mənfəətliliyi mühafizə edə bilsələr, reytinqləri artırıla bilər. Əks təqdirdə proqnoza yenidən baxıla bilər.

Bank Technique, AGBank və Atabankın reytinq artımı qısa müddətli perspektivdə az ehtimal edilir. Bunu «sabit» proqnoz da göstərir.

Fitch Ratings hesab edir ki, neftin qiyməti davamlı olaraq düşsə, bu bankların reytinqləri təzyiq altına düşə bilər. Amma yaxın vaxtlarda bu gözlənilmir. Aktivlərin keyfiyyəti kəskin pisləşdiryi təqdirdə reytinq azalması mümkündür.—15D--