“Standard and Poor’s” reytinq agentliyinin ardınca daha bir reytinq nəhəngi - “Fitch Ratings” də Azərbaycanın kredit reytinqini BB+ yaxud “zibil” səviyyəsinə endirib. Azərbaycanın əvvəlki reytinqi BBB- səviyyəsində qiymətləndirilirdi.
Bu haqda Fitch-in press-relizində bildirilir.
Fitch Standard & Poor's və Moody's-la birgə dünyanın üç ən nüfuzlu reytinq agentliyindən biridir.
Fitch reytinqin endirilməsini iqtisadiyyatın karbohidrogen ehtiyatlarına, özəlliklə neftə bağlı olması, neftin qiymətinin ucuzlaşması və ölkənin valyuta ehtiyatlarının azalması ilə izah edir.
Azərbaycanın yeni reytinq dərəcəsi - BB+ səviyyəsi “spekulə edilmiş” və ya “zibil” səviyyə hesab olunur. Bu səviyyə sərmayə yatırımı üçün çəkindirici sayılır.
Yanvarın 29-da «Standard&Poor's» reytinq agentliyi də Azərbaycanın uzunmüddətli kredit reytinqini BBB- səviyyəsindən BB+ səviyyəsinə endirmişdi.
O zaman Maliyyə Nazirliyi «Standard&Poor's»ün bir sıra qeyri-dəqiqliklərə yol veridiyini, qiymətləndirmənin nəticələri ilə razılaşmadığını bəyan eləmişdi.
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz