Fond birjası həyat sığortasını dirçəldəcəkmi?

Yanvar-avqustda həyat sığortası üzrə 63 mln 504 min manat mükafat yığılıb. Dövlət Sığorta Nəzarəti Xidmətinin məlumatına görə, bu, ümumi mükafatların 25,2%-dir.

Könüllü sığorta ilə 3 şirkət («Paşa Həyat Sığorta», «Atəşgah Həyat Sığorta» və «Qala Həyat Sığorta») 42 mln 544 min manat, istehsalatda bədbəxt hadisələr və peşə xəstəlikləri nəticəsində peşə əmək
qabiliyyətinin itirilməsi hallarından icbari sığorta üzrə 20,9 mln manat toplanıb.

Həyat sığortası üzrə ödəniş ən aşağı səviyyədədir ( 6,2% və ya 4 mln 798 min manat). 

İlin əvvəlindən 28 sığorta şirkəti 251,71 mln manat toplayıb, 77 mln 964 min manat ödəniş edib..

Sığortaçılar Assosiasiyasının rəhbəri Orxan Bayramov Turan-a bildirib ki, həyat sığortasının inkişafına əsas əngəl QK bazarının zəif inkişafı və investisiyaların azlığıdır. Onlar əhalidən alına vəsaiti yalnız bank depozitinə qoyur. AMB isə bunlara bir sıra məhdudiyyətlər qoyub.

«Fond birjası, QK bazarı tam işləsə, həyat sığortasına təkan veriləcək. Yerdə qalanlara impuls vermək üçün mexanizmlərdən hansısa dirçəlməlidir», - deyə o bildirib. 

 Turan ekspertlərinin fikrincə, ölkədə azad iqtisadiyyat olmadığı təqdirdə heç bir maliyyə seqmenti dünya praktikasına uyğun gəlməyəcək. –17D—