Gələn həftə Xəzər Dəniz Gəmiçiliyi “Ulyanin” gəmiqayırma zavodunda (Pula, Xorvatiya) “Balakən” adlı bərəni qəbul edəcək. Bərədə Azərbaycan bayrağı qaldırılacaq və o, Bakıya yola düşəcək, deyə XDG mətbuat katibi Vüqar Sadıqov bildirib.
Xəzər Dəniz Gəmiçiliyi təmsilçisinin sözlərinə görə, sentyabrın 14-də Pula gəmiqayıranları “Bərdə” bərəsini Azərbaycan ticarət dənizçilərinə verib. O, texniki xarakteristikasına görə “Balakən”lə eynidir. Gəmi artıq Xəzərə istiqamət götürüb.
Bərələrin uzunluğu 154,8 m, eni 17,5 m-dir. Dedveyt 5000 tondur. Bərəyə 54 dəmiryol vaqonu yerləşir.
Bir bərənin müqavilə qiyməti 22 mln avrodur. Onlar dövlət büdcəsi hesabına alınıb. Son 4 ildə XDG 4 bərə alıb.
1984-1986-cı illərdə bu zavodda Azərbaycan dənizçiləri üçün 8 gəmi tikilib.
Hazırda XDG flotiliyasında 80-dən çox tanker, quru yük gəmisi və bərə var. Onlar yalnız Xəzər akvatoriyasında TRACECA dəhlizində işləyir. 08D
İqtisadiyyat
-
SOCAR-UNIPER birgə müəssisəsi COP 29 tədbirləri çərçivəsində cümə günü "Etilen-Polietilen" zavodunda 65 MVt gücündə buxar generatorunu istifadəyə verdi. Layihə enerji səmərəliliyinin artırılmasına yönəlib və Azərbaycanın kimya sənayesində SOCAR və UNIPER-in birgə səylərinin əhəmiyyətli bir mərhələsidir.
-
Fransanın enerji nəhəngi TotalEnergies Azərbaycan Respublikasının Naxçıvan Muxtar Respublikasında günəş və külək elektrik stansiyaları layihələrində iştirak etməyi nəzərdən keçirir. Bu imkan 15 noyabrda Bakıda TotalEnergies şirkətinin baş direktoru Patrik Puyannenin Azərbaycan hökumət nümayəndələri ilə apardığı danışıqlarda müzakirə edilib.
-
Azərbaycan Energetika Nazirliyi, China Energy Overseas Investment Co. Ltd. və SOCAR Green MMC Fizuli rayonunda 160 meqavatlıq günəş enerjisi layihəsinin həyata keçirilməsi üçün müqavilə imzalayıb. Bu barədə İqtisadiyyat Naziri Mikayıl Cabbarov çərşənbə günü sosial şəbəkələrdə məlumat verib.
-
Azərbaycanın Dövlət Neft Şirkəti SOCAR noyabrın 15-də Azərbaycanın maliyyə bazarında ekoloji davamlı layihələri dəstəkləmək üçün "yaşıl" istiqrazlar buraxmağı planlaşdırdığını elan edib.
Rəy yaz