"Günay sığorta"nın ağır günləri

"Günay sığorta"nın mükafatları ilbəil azalır və ənənəyə çevrilir. Bu ilin 9 ayında cəmi 276,9 min manat mükafat olub. Bunun hamısı könüllü növlər üzrədir. Ötən ilin bu dövründə 345,74 min, 2011-ci ildə  396,9 min, 2010-cu ildə 576,36 min, 2009-cu ildə  1,33 mln, 2008-ci ildə 2,2 mln manat mükafat toplanmışdı. Beləliklə, 5 ildə 8 dəfə geriləmə olub. 

Əmlakın yanğından və başqa risklərdən sığortası üzrə 91,84 min manat (ötən ilkindən 2 dəfə az), avtomobillərin КАСКО sığortası üzrə 108,72 min manat, KTS üzrə 55,6 min manat, bədbəxt hadisə və xəstəliklərdən sığorta üzrə 8,54 min manat, xaricə səyahət sığortası üzrə 1,76 min manat yığılıb. 

Ümumi mülki məsuliyyətin sığortası üzrə 5,29 min manat, avtonəqliyyat vasitələri sahiblərinin mülki məsuliyyətinin sığortası üzrə 755,7 manat, yük sığortası üzrə 65 manat toplanıb. 

Şirkətin ödənişləri 73,7 min manatdır. Bu, ötən ilin eyni dövründən 63 min manat azdır. Avtomobillərin КАСКО sığortası üzrə 49,33 min, KTS üzrə 21,64 min, işə götürənlərin məsuliyyətinin sığortası üzrə 6,27 min, bədbəxt hadisə və xəstəliklərdən sığorta üzrə 2,01 min, əmlakın yanğından və başqa risklərdən sığortası üzrə 722 manat ödəniş olub. 

Günay Sığorta şirkəti 1992-ci ildə təsis edilib və 15 könüllü və icbari növ üzrə xidmət göstərir.

   Şirkətin nizamnamə kapitalı 4,2 mln manatdır.    Şirkətin təsisçisi «Günay Bank» (səhmlərin 65,4%-i) və iki fiziki şəxsdir. 2008-ci ildə müddətsiz lisenziya alıb. 2010-cu ilin avqustunda “Günay Anadolu sığorta”nın türkiyəli sahibləri səhmlərini yerli sahibkarlara satıblar  və addan “Anadolu” sözü çıxarılıb. --17D-