Gürcüstanın “Bank Constanta” bankının “Monex” sisteminə inteqrasiyası başa çatıb.
MuğanBank-ın (sistemin klirinq mərkəzi) məlumatına görə, iyunda “Bank Constanta” ilə “Monex” təcili pul köçürmə sistemi arasında əməkdaşlıq haqqında müqavilə imzalanıb.
Sənədə əsasən, əməkdaşlıq üçün texniki məsələlər tam həll olunub. Belə ki, “Monex” təcili pul köçürmə sistemindən istifadə edən müştərilər “Bank Constanta”nın Gürcüstan ərazisində fəaliyyət göstərən 40 filial və şöbələrinə təcili pul göndərə bilərlər. Beləliklə, “Monex”in Gürcüstan ərazisində fəaliyyə ərazisi genişlənib.
"Monex" sistemi "MuğanBank"ın məhsuludur və 2011-ci ildə işə salınıb. Sistemlə pul göndərilməsi və qəbulu 10 dəqiqə çəkir, 0,2-1,5% komissiya göndərəndən tutulur.
Sistem ölkənin 23 bankının 500 filial və şöbəsində xidmət göstərir.—15D--
İqtisadiyyat
-
Azərbaycan Turizm Agentliyi, yaxınlaşan COP29 iqlim sammitində iştirak edəcək beynəlxalq qonaqları yerləşdirmək məqsədilə Bakı, Sumqayıt və Abşeron rayonlarında 300-dən çox otel və yaşayış yerini yoxlayıb. Bu yerlərdən təxminən 220-si artıq rəsmi ulduz reytinqi alıb, onlardan 10-u beş ulduz, 20-si dörd ulduz, qalanları isə müxtəlif ulduz reytinqlərinə malikdir.
-
Artıq bir neçə aydır Azərbaycanda pensiya və sosial ödənişlərin verilməsində gecikmələr olduğu bildirilir. Pensiyaçıların sözlərinə görə, gecikmələr üç-beş gün çərçivəsində olur. Məsələn, onlar vurğulayırlar ki, əlilliyə görə təqaüd ilin əvvəlində hər ayın 15-də ödənilirdisə, artıq üç aydır ki, ayın 20-si və ya 21-i ödənilir.
-
Azərbaycanın tütün ixracından əldə etdiyi gəlirlər 2024-cü ilin ilk səkkiz ayında 15,6 milyon dollara çataraq ötən ilin eyni dövründəki 3,2 milyon dollardan təxminən beş dəfə artıb. Bu kəskin artım, Azərbaycanın tütün məhsullarına beynəlxalq tələbatın genişlənməsini vurğulayır.
-
Dövlət Statistika Komitəsinin məlumatına görə, Azərbaycan bu ilin ilk doqquz ayında 11,100 ton çay idxal edib ki, bu da fiziki həcmdə 14.4%, dəyər baxımından isə 13.9% artım deməkdir. Eyni zamanda, ölkə cəmi 500 ton çay ixrac edib və bu, 4.8 milyon ABŞ dolları dəyərində olub ki, bu da Azərbaycanın daxili tələbatının 98%-ni qarşılayan idxal çayına olan güclü asılılığını vurğulayır.
Rəy yaz