Baghlan Group Azerbaijan-ın prezidenti Hafiz Məmmədov «Bank of Azerbaijan» ASC rəhbərliyinə qayıdır.
Bu addım "Bank of Azerbaijan"ın gələcəkdə fəaliyyətini bərpa etmək məqsədi ilə atılıb. "Bank of Azerbaijan"dakı mənbə bildirib ki, Müşahidə Şurası gündəliyi müəyyən edib və namizədliyi təsdiq edib. Xatırladaq ki, "Bank of Azerbaijan" ASC-nin səhmdarlarının növbədənkənar ümumi yığıncağında bankın İdarə Heyəti və Müşahidə Şurasının tərkibi 2014-cü ilin mayında təsdiq olunub. Səhmdarların yığıncağının qərarı ilə İsmayılov Mehman Məmməd oğlu bankın Müşahidə Şurasının sədri seçilib. O, bu vəzifədə Hafiz Məmmədovu əvəzləyib. Şuranın tərkibinə həmçinin Cavadov Cavid Yusif oğlu və Əliyev Araz İsmayıl oğlu daxil olublar.
AMB sədri Elman Rüstəmov apreldə bildirmişdi ki, bu bankın likvidliklə bağlı «müvəqqəti problemləri» var. İndiyəcən maliyyə çətnliyi üzündən bank əmanət qəbul edə bilmir.
“Bank of Azerbaijan” 1993-cü ildə “Rabbatbank” kimi fəaliyyətə başlayıb. 1998-ci ildə “Ish Bankasi Azerbaycan” olub.
Nizamnamə kapitalı 50 mln manat, məcmu kapitalı 47,7 mln manatdır.
Bank Hafiz Məmmədovun ailəsinindir. Səhmdarları onun oğulları Kənan Məmmədov (43,63%) və Sənan Məmmədov (43,63%), qardaşı Mübariz Məmmədov (12,07%) və NEM Holdinqdir (0,67%). --17D—
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz