![Hakimiyyət kredit faizlərinin azaldılmasına başlayıb](https://turan.az/resized/750/500/resize/media/2015/main/071100122927.png)
Hakimiyyət kredit faizlərinin azaldılmasına başlayıb
İyulun 10-da Mərkəzi Bank kredit faizlərinin azaldılmasına yönələn addımların atılacağını bildirib.
Söhbət iyulun 13-də uçot dərəcəsinin 3,5 faizdən 3 faizə endirilməsindən gedir.
Rəsmi məlumata görə, bu tədbirlər qeyri-neft sektoruna, kiçik və orta biznesə maliyyə dəstəyinin gücləndirilməsinə yönəlib.
Bundan əlavə, AMB kreditlər üzrə faiz dərəcələrinin azaldılması məqsədilə atılacaq addımları bəyan edib. Bu məqsədlə AMB-nin rəhbəri Elman Rüstəmov ölkənin bank rəhbərləri ilə görüşüb.
Görüş zamanı maliyyə xidmətlərinə çıxış, faiz dərəcələri və məsuliyyətli kreditləşmə ətraflı müzakirə olunub.
AMB bankların kreditləşdirmə, xüsusilə fiziki şəxslərin kreditləşdirilməsi ilə əlaqədar sosial məsuliyyətinin gücləndirilməsi, kredit siyasətlərinin ölkənin iqtisadi inkişaf prioritetlərini və hədəflərini nəzərə almasının daim diqqətlərinə çatdırılmasına baxmayaraq, kredit faizləri və onunla əlaqəli digər xidmət haqlarının azaldılması templərinin qaneedici olmaması ilə bağlı mövqeyini banklara bildirib, hər istiqamət üzrə konkret tapşırıqlarını verib.
Bildirilib ki, banklar qeyd olunan istiqamətlərdə bütün imkanlardan və resurslardan istifadə etməlidir.
Görüşdə istehlak kreditləşməsi zamanı komisyon haqlarının 1 faizlə məhdudlaşmasının kreditlər üzrə real effektiv faiz dərəcəsini əhəmiyyətli dərəcədə azaldacağı diqqətə çatdırılıb.
Bankların resurslarının dəyərinin ucuzlaşdırılması, risklərin azaldılması, xərclərin optimallaşdırılması və onların faiz dərəcələrinə təsiri kimi məsələlər təhlil edilib. Bu istiqamətdə Mərkəzi Bank tərəfindən görülmüş işlər, o cümlədən planlaşdırılan əlavə tədbirlər barədə banklar məlumatlandırılıb.
Mərkəzi Bank kredit faizlərinin azaldılması istiqamətində banklarla birgə işlərin davam etdiriləcəyini bildirib.
Qeyd edək ki, qeyri-rəsmi məlumatlara görə, ölkənin yaşlı əhalisinin kreditlər üzrə borcu 40%-dən çoxdur. İyunun 1-nə olan məlumata görə, əhalinin istehlak kreditlərinin həcmi 8 mlrd. manat təşkil edir.
Ekspertlərin qiymətləndirmələrinə görə, ümumilikdə ölkədə problemli kreditlərin həcmi 1 mlrd. manat təşkil edir. Qaytarılmayan kreditlərin artım prosesi həndəsi silsilə ilə inkişaf edir, çünki borclar vaxtında ödənilmədiyinə görə faiz əlavə edilir.
Ekspertlər hesab edirlər ki, bu proses iqtsadi böhran və əhalinin gəlirlərinin azalması fonunda ölkəni sosial partlayışa aparır.
Elə vaxt olar ki, borclar bank sistemini tamamilə dağıda bilər və rentabellik olmadığından bank sistemi özü iflasa uğraya bilər.
AMB-nin qəbul etdiyi tədbirlər qaytarılmayan kreditlər problemini həll etmir, bu, qismən dövlət tərəfindən silinə bilər. Bundan əlavə, hakimiyyət Azərbaycanda son dərəcə hədsiz bank kreditlərinə son qoymalıdır, dünyanın heç bir yerində belə bir şey yoxdur.
Lakin belə olduğu halda da bank depozitlərinin cəlbediciliyi sürətlə enəcək, belə ki bu depozitlər əhalinin digər hissəsinə ildə 10-12% gəlir gətirir, ancaq bunun da dünyada analoqu yoxdur.
Bu cür analoqsuz bank sistemi neft gəlirlərinin məhsuludur. Bu gəlir çox olanda sistem bir qədər işləyirdi, gəlirlərin üç dəfə azalması özünü göstərdi.
Odur ki, fevralda manatın 34% devalvasiyası bəlkə də ilk maliyyə şoku ola bilər.-02В-
-
- İqtisadiyyat
- 11 İyul 2015 14:05
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz