2014-cü ildə aviaşirkətlərin yük daşımalarından gəlirləri 539 mln 196 min manat olub. Bu, əvvəlki ildəkindən 4,2% çoxdur, deyə Dövlətstatkom Turan-ın yazılı sorğusuna cavab olaraq məlumat verib.
Ötən il hava nəqliyyatı ilə yük daşımalarının həcmi (123,8 min ton) 1,8% azalıb. Daşımalar əsasən “Silk Way Holding” şirkətlər qrupunun iki aviaşirkətinin (“Silk Way Airlines” və “Silk Way West”) gəmiləri ilə həyata keçirilir. Amma aviaşirkətlərin gəlirləri artıb.
Dövlətstatkoma görə, 2014-cü ildə aviaşirkətlərin yük daşımaları xərcləri 2013-cü illə müqayisədə 74,7 mln manat artaraq 455,6 mln manata çatıb.
Beləliklə, balans mənfəəti 2014-cü ildə 83,6 mln manat olub. Bu, 2013-cü ildəkindən 52,7 mln manat azdır.
Qeyd edək ki, “Silk Way Airlines” MMC birləşdirilmiş maliyyə hesabatını mətbuatda və korporativ saytında açıqlamalı olan 30 dövlət və özəl şirkətdən biridir. Amma şirkət bu öhdəliyə əməl etmir. 08B
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz