Azərbaycanın 43 bankından 4-nün məcmu kapitalı 2012-ci il avqustun yekunu üçün minimal tələb olan 10 mln manatdan az olub.
Mərkəzi Bankın məlumatına görə, hesabat ayında bir bankın məcmu kapitalı 3,5 mln manat, bir bankın kapitalı 3,5-5 mln manat arasında olub. İki bankın kapitalı isə 5-10 mln manat arasındadır. Son iki qrup bankın sektorun kapitallaşmasında ümumi xüsusi çəkisi 0,2% və 0,8%-dir.
Məcmu kapitalı 10 mln manatdan çox olan bankların sayı avqustda dəyişməyib – 39. Ümumi kapitalda onların payı 99% təşkil edib.
2007-ci ilin iyulundan bankların məcmu kapitalına minimal tələb 10 mln manatdır. AMB-nin bu yaxınlarda qəbul etdiyi qərara əsasən, 1 yanvar 2014-cü ildən bu göstərici 50 mln manat olacaq. --15B—
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz