Hellenic Petroleum səhmdarlarinin iclasi DESFA ilə SOCAR arasinda razilaşmani sentyabrin 2-də təsdiqləyəcək

Hellenic Petroleum-un direktorlar şurası avqustun 2-də Yunanıstan qaznəqli sistemi DESFA-nın səhmlərinin 66%-nin Azərbaycanın SOCAR şirkətinə satılmasına dair razılaşmanı bəyənib. Bu barədə Yunanıstan şirkəti məlumat verib. 

Hellenic Petroleum-a səhmlərin 35%-i, Yunanıstanın özəlləşdirmə agentliyi HRADF isə 31%-i məxsusdur. Bir gün əvvəl HRADF idarə heyəti Azərbaycan neft şirkətinin «təkmilləşdirilmiş təklifini» bəyənib. 

«Hellenic Petroleum-un direktorlar şurası təklif olunan razılaşmanı bəyənib və onun tam təsdiqini səhmdarların 2013-cü ilin sentyabrın 2-ə bu məqsədlə çağırılan növbədən kənar iclasında təsdiq olunmasını tövsiyə edib. 

Təklif olunan anlaşma milli və Avropanın tənzimləyici qurumları tərəfindən təsdiqlənməlidir», - deyə şirkətin məlumatında deyilir. 

Neft şirkəti həmçinin səhmdarların sentyabrın 2-ə çağırılan növbədən kənar iclasının çağırılması ilə bağlı direktorlar şurasının qərarını da dərc edib. 

DESFA-nın satışı ilə bağlı müsabiqə iyunun 10-da, Yunanıstanın DEPA qaz şirkətinin satışına dair müsabiqə ilə eyni vaxtda keçirilib, o almağa əsas iddiaçı Rusiyanın «Qazprom» şirkəti idi. Ancaq o müsabiqənin son mərhələsində öhdəlik təkliflərini irəli sürmədi. --0--