netams.com
Hesablama Palatası auditor yoxlamalarından çıxarışların dərcinə başlayıb
Azərbaycan Hesablama Palatası auditor yoxlamalarından çıxarışların dərcinə başlayıb. Belə ki, “Açıq hökumətin təşviqinə dair 2016-2018-ci illər üçün Milli Fəaliyyət Planı”nın 5.7-ci bəndi çərçivəsində “Bakı Metropoliteni” Qapalı Səhmdar Cəmiyyətinin (QSC) yol verdiyi pozuntular haqda hesabat dərc edilib. (http://sai.gov.az/1/newsmore/484)
2014-2015-ci illər üzrə maliyyə-təsərrüfat fəaliyyətinin yoxlanması zamanı məlum olub ki, həmin dövrdə bu səhmdar cəmiyyəti dövlət büdcəsinin əsaslı vəsait qoyuluşu hesabına ayrılmış 602 mln. manatı mənimsəyib.
Metropolitenlə sərnişindaşıma xidmətlərinin göstərilməsindən yaranan zərərin qismən ödənilməsi ilə əlaqədar köçürülmüş 36 mln. manat (2014-cü il) və 38 mln. manat (2015-ci il) subsidiya məbləğləri əməkhaqqı və digər sosial təyinatlı xərclərin ödənilməsinə yönəldilib.
Dövlət əmlakından istifadə vəziyyəti ilə əlaqədar metrostansiyanın sahəsində bir halda müvafiq qaydada rəsmiləşdirilmədən faktiki olaraq ticarət fəaliyyətinin həyata keçirilməsi, cəmiyyətin struktur vahidinin texniki pasportu ilə müəyyən edilən ərazisindən hər hansı əsas olmadan yaşayış və kommersiya təyinatları üzrə istifadə olunması halları aşkar olunub, eyni zamanda metro stansiyalarında yeni üslubda ticarət köşklərinin yaradılması məqsədilə yığılıb-sökülən konstruksiyaların alınması və quraşdırılması istiqamətində vəsaitlərin xərclənməsinə baxmayaraq, həmin ticarət sahələrindən istifadə olunması əməliyyatları çərçivəsində hər hansı formada gəlirlərin əldə olunması rəsmiləşdirilməyib.
Avadanlıqların bir qayda olaraq alındığı ildə deyil, növbəti illər ərzində quraşdırılması, eyni zamanda satınalma müqavilələrinin şərtlərinə əməl olunmaması səbəblərindən yaranmış 652 min avro və 2 mln. 726,8 min manat məbləğində debitor borcların bağlanması istiqamətində tədbirlərin həyata keçirilməməsi nəticəsində dövlət vəsaitlərindən, eləcə də strukturdaxili maddi-texniki bazadan, yüksək məhsuldarlığı olan müasir tunel qazma komplekslərindən səmərəli istifadə olunmayıb.
Qanunvericiliklə müəyyən edilmiş əsaslar, o cümlədən qarşılıqlı razılıq və məhkəmə qərarı mövcud olmadan 6 mln. manat məbləğində vəsait metro tikintisi çərçivəsində layihə altına düşən ayrı-ayrı əmlaklara görə kompensasiyaların ödənilməsi üçün “Bank Technique” ASC-yə köçürülüb, müvafiq təyinatlar üzrə isə icra olunmayıb və uzun müddət ərzində bank hesabında istifadəsiz qalmasına baxmayaraq, maliyyə hesabatlarında kapital qoyuluşları kimi əks etdirilməyib.
Hesablama Palatasıınnı Kollegiyası Nazirlər Kabinetinə və Vergilər Nazirliyinə, eləcə də dövlət əmlakından istifadə olunması sahəsində kənarlaşma hallarının aradan qaldırılması məqsədilə Əmlak Məsələləri Dövlət Komitəsinə müvafiq məlumatların göndərilməsini qərara alıb. Auditin nəticələri ilə bağlı Milli Məclisə məlumat verilib.--17D—
-
- İqtisadiyyat
- 9 Sentyabr 2016 14:00
-
- İqtisadiyyat
- 9 Sentyabr 2016 14:10
İqtisadiyyat
-
BP, SOCAR Green (SOCAR-ın törəmə şirkəti) və Azərbaycan İnvestisiya Şirkəti (AIC) ilə Azərbaycanın Cəbrayıl rayonunda 240 MVt gücündə günəş elektrik stansiyasının tikintisi üçün birgə müəssisənin yaradılması barədə səhmdar sazişi imzalayıb, şirkət bazar ertəsi açıqlayıb.
-
Azərbaycan Dövlət Neft Şirkəti (SOCAR) və rus enerji nəhəngi Gazprom, energetika sektorunda strateji tərəfdaşlığını gücləndirmək üçün növbəti addımları müzakirə edirlər, SOCAR bu barədə Bazar ertəsi günü sosial şəbəkələrdə elan etdi.
-
Azərbaycan, dünyada öz neft sərvəti ilə tanınan bir ölkə olaraq, neft və qaz sektorunun ümumi ixracatda ən azı 90% paya sahib olmasını müşahidə edib. Bu sektor ölkənin ÜDM-inə, xarici investisiyalara və fiskal sabitliyə mühüm təsir göstərmişdir. Bu resurslar milli valyutanın sabitləşməsinə və siyasi, sosial sabitliyin təmin olunmasına kömək etmişdir. Lakin, neft hasilatının 2011-ci ildən bəri tədricən azalması ilə əlaqədar ölkə, post-neft dövrünə keçid mərhələsində artan iqtisadi problemlərlə üz-üzədir, deyə iqtisadçı Qubad İbadoğlu bildirir.
-
Azərbaycanda əməkhaqqının aylıq əvəzinə saatlıq hesablanması nəzərdə tutulur. Eyni zamanda, rəsmilərin açıqlamasına görə, növbəti il maaşların artması gözlənilir. Hələlik, əmək haqlarının nə qədər artacağı ilə bağlı rəsmi məlumat yoxdur. Ekspertlər isə deyir ki, Azərbaycanda saatlıq əməkhaqqına keçid çox çətin görünür və sui-istifadə hallarına gətirib çıxara bilər.
Rəy yaz