Azərbaycan Hesablama Palatası 6 fevralda Kollegiya iclasında Cəlilabad rayonunun bir sıra büdcə təşkilatlarında dövlət vəsaitlərinin istifadəsi və audit proqramlarını təsdiq edib. Onların sırasına İH aparatı, şəhər inzibati ərazi nümayəndəliyi, Mərkəzi Rayon Xəstəxanası, Təhsil, Mədəniyyət və Turizm şöbələri, Maliyyə İdarəsi daxildir. Həmçinin Lənkəran, Sabirabad, Suraxanı rayonları kommunal təsərrüfatlarının maliyyə fəaliyyəti audit edilib.
Bundan başqa, Dövlət Sosial Müdafiə Fondunun Goranboy rayon şöbəsinin gəlir və xərclərinin proqnozlaşdırılması və icrasına dair auditlərin nəticələri üzrə rəy və hesabatlar müzakirə olunaraq təsdiq olunub, nəzarət tədbirlərinin nəticələri barədə Milli Məclisə məlumatların təqdim edilməsi qərara alınıb. Parlamentdə Turan-a bildiriblər ki, korrupsiya ilə mübarizə çərçivəsində işə can yandırmayan təşkilatların fəaliyyəti ilə bağlı sənəd göndərilməsi güclənir.
Bundan başqa, dövlət büdcəsinin “Səhiyyə” bölməsindən Naxçıvan MR büdcəsi üzrə Naxçıvan Gigiyena və Epidemiologiya mərkəzinin saxlanılmasına ayrılan vəsaitlərin, büdcədənkənar daxilolmaların proqnozlaşdırılması və icrasına dair audit proqramları da təsdiq edilib.
Hesablama Palatası 7 dekabr 2001-ci ildən fəaliyyət göstərir və büdcə vəsaitlərinin xərclənməsinə nəzarət edir. Rəhbər işçilər (Kollagiya üzvləri – sədr, müavinləri və 7 auditor) 7 ildə bir dəfə seçilir.
Hesablama Palatası bir qayda olaraq yoxlamalarının nəticələrini açıqlamır. Bəzən ümumi nəticələri elan edir, konkret fakt və rəqəmlər gətirmir.
“İnformasiya əldə edilməsi haqqında” Qanunun 6.0.3 maddəsinə əsasən, büdcə vəsaitlərinin yoxlanması barədə informasiyanın yayılması dövlət strukturlarının, o cümlədən Hesablama Palatasının vəzifəsidir. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz