![Hesablama Palatasının kollegiya iclası haqqında](https://turan.az/resized/./turan-750-500-resize.webp)
Hesablama Palatasının kollegiya iclası haqqında
Azərbaycan Hesablama Palatası 22 fevralda Kollegiya iclasında Ağcabədi və Goranboy rayonlarının bir sıra büdcə təşkilatlarında dövlət vəsaitlərinin istifadəsi üzrə audit proqramlarını təsdiq edib. Auditorları daha çox dövlət mülkiyyətində olan torpaqların alqı-satqısı və onlardan rasional istifadə maraqlandırıb.
Həmçinin Beyləqan, Kürdəmir və Hacıqabul rayonlarının yerli icra hakimiyyəti orqanlarına ayrılan vəsaitlərin istifadəsi və Azərbaycan Respublikası Ərazilərinin Bərpası və Yenidənqurulması üzrə Agentliyinə su təchizatı və kanalizasiya sistemlərinin yaradılmasına və su təmizləyici qurğunun tikintisinə ayrılan vəsaitlərin istifadəsinə dair auditlərin nəticələri müzakirə edilib. Materialların bir hissəsi Milli Məclisə göndərilib. Bundan başqa, Gənclər və İdman Nazirliyi, Təhsil Nazirliyi, Bakı şəhər İcra Hakimiyyətinin xətti ilə xərclənən dövlət vəsaitlərinin auditi təsdiq edilib.
Hesablama Palatası 7 dekabr 2001-ci ildən fəaliyyət göstərir və büdcə vəsaitlərinin xərclənməsinə nəzarət edir. Rəhbər işçilər (Kollagiya üzvləri – sədr, müavinləri və 7 auditor) 7 ildə bir dəfə seçilir.
Hesablama Palatası bir qayda olaraq yoxlamalarının nəticələrini açıqlamır. Bəzən ümumi nəticələri elan edir, konkret fakt və rəqəmlər gətirmir.
“İnformasiya əldə edilməsi haqqında” Qanunun 6.0.3 maddəsinə əsasən, büdcə vəsaitlərinin yoxlanması barədə informasiyanın yayılması dövlət strukturlarının, o cümlədən Hesablama Palatasının vəzifəsidir.. --17D—
-
- İqtisadiyyat
- 25 Fevral 2013 12:50
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz