«Həyat Farm» Azərbaycan-Rusiya birgə müəssisəsi müasir əczaçılıq zavodu inşa edəcək

 yerli və Rusiya biznesinin birgə iştirakı ilə Azərbaycanda yüksək texnologiyalı  əczaçılıq müəssisəsinin inşası planlaşdırılır. Layihəni “Vita – A” şirkəti (Azərbaycan) öz tərəfdaşları  “R-Farm” (Rusiya) və “Azərbaycan İnvestisiya Şirkəti” ASC ilə birlikdə həyata keçirmək niyyətindədir.

Bu gün Rusiya-Azərbaycan biznes forumu çərçivəsində Azərbaycan Respublikası ərazisində beynəlxalq standartlara və tələblərə uyğun əczaçılıq məhsullarının müasir istehsalının təşkilinə dair anlaşma memorandumu imzalanıb.

Tərəflər layihənin xüsusi yaradılmış “Həyat Farm” birgə müəssisəsi vasitəsilə  reallaşdırılmasını  nəzərdə  tuturlar.

 Memorandumu“R-Farm” şirkətlər qrupunun kommersiya direktoru  Andrey Burxanov, “Vita-A” MMC-nin baş direktoru  Murad Sadıxov və  “Azərbaycan İnvestisiya Şirkəti”nin icraçı direktoru Rövşən Nəcəf imzalayıblar. 

   “Həyat Farm” birgə müəssisəsi Azərbaycanda istehsal, laboratoriya və logistic bloklardan ibarət ilk əczaçılıq kompleksinin yaradılması üzrə uzunmüddətli proqramın həyata keçirilməsi məqsədilə təsis edilib.

   Əczaçılıq məhsullarının birgə istehsalının təşkili layihəsi ən müasir avadanlıqlardan, aparıcı istehsalçı-şirkətlərlə  tərəfdaşlıq  vasitəsilə qabaqcıl  beynəlxalq  texnoloji həllərdən və  “R-Farm” şirkətinin təcrübəsindən istifadə etməklə həyata keçiriləcək.

  Layihə çərçivəsində analitik və texnoloji transferlər keçiriləcək, əczaçılıq sahəsində yüksək ixtisaslı lokal iş yerləri yaradılacaq.

 Əczaçılıq məhsullarının beynəlxalq standartlara uyğun olaraq istehsalının təşkili üç ardıcıl mərhələyə bölünəcək: 1) qablaşdırma istehsalının təşkili, 2) yarımməhsullardan ibarət istehsalın təşkili; 3) tam silsilənin istehsalının təşkili.

  Layihənin reallaşması zamanı qabaqcıl texnologiya və avadanlıqlardan, Avropanın aparıcı şirkətlərinin mühəndislik işlərindən istifadə olunacaq.

 Yüksək dərəcəli sterelizasiya, avtomatlaşdırma və öz sinfində ən yaxşı istehsal həllərinə malik yeni nəsil dərman istehsalı GMP istehsalat praktikası, həmçinin WHO Technical  Report  series, ISPE Good Practice Guide-ın tələblərinə və digər  dövlət, həmçinin beynəlxalq norma və qaydalara tam uyğun olacaq.

  İnvestisiyanın ilkin təxmini  ümumi həcmi 70 milyon  avronu ötür. Birgə müəssisənin 2019-cu ilin sonlarınatam layihə gücünə çıxacağı gözlənilir.

“Texnologiyaların transferi sayəsində yeni müəssisə onkoloji, hematoloji, autoimmun və endokrin xəstəliklərin terapiyası, HİV/AİDS, müxtəlif tip viruslu hepatitlərin və digər xəstəliklərin müalicəsi üçün yüksək   effektli dərman vasitələri istehsal edə biləcək”, - “R-Farm” Direktorlar Şurasının sədri Aleksey Repik bildirib.

Azərbaycan ərazisində istehsal olunan müasir preparatların istifadəsi əhalinin tibbi təminatının səviyyəsinin xeyli artırılmasına imkan verəcək, həmçinin pasiyentlər üçün müalicə qiymətlərini və respublika səhiyyə sisteminin maliyyə yükünü azaldacaq.

“Qeyri-neft sektorunun inkişafı üçün Azərbaycan hökuməti tərəfindən yaradılan cəlbedici investisiya mühiti, ixracyönlü istiqamətlərin həvəsləndirilməsi, azad iqtisadi zonanın yaradılması, vergi güzəştlərinin verilməsi və özəl sektorun inkişafı üçün digər stimullar kompleks innovativ layihələrin daha effektiv həyata keçirilməsinə kömək edir.

Bu layihə yeni əczaçılıq sahəsinin inkişafında  Rusiya-Azərbaycan töhfəsi olacaq, bizim ölkənin ixrac potensialının gələcəkdə genişləndirilməsinə xidmət edəcək”,- “Vita-A” şirkətinin baş direktoru Murad Sadıxov bildirib.

“Həyat Farm” birgə müəssisəsində 55 faiz iştirak payı “Vita-A” MMC-yə, 45 faiz “R- Farm” şirkətinə məxsusdur.  Razılaşmaya əsasən birgə layihənin biznes planı işlənilərək  təsisçilər tərəfindən təsdiq  edildikdən sonra “Vita-A” şirkətinin “Həyat Farm” şirkətindəki iştirak payının 10 faizinin  AİŞ tərəfindən əldə edilməsi nəzərdə tutulur.

“R-Farm”  Rusiyanın yüksək texnologiyalı əczaçılıq şirkətidir. Şirkətin missiyası  Rusiyada pasiyentlərin innovativ metodlarla müalicəsinin təminatıdır. Şirkətin ştatı 3500-dən çox yüksək ixtisaslı mütəxəssisdən ibarətdir.

 “R-Farm” Rusiya Federasiyası, MDB ölkələri, ABŞ, Almaniya, Yaponiya, Türkiyə və Hindistanda fəaliyyət göstərir. 60-dan çox filial və nümayəndəliyi var. Əsas fəaliyyət istiqamətləri bunlardır: hazır dərman formalarının, kimyəvi  xassəli aktiv əczaçılıq inqredientlərinin və biotexnoloji substansiyaların  istehsalı, innovativ preparatların öyrənilməsi və texnologiyası, müasir dərman vasitələrinn bazara çıxarılması, həmçinin əczaçılıq sənayesi və səhiyyə üçün mütəxəssislərin hazırlanması və təlimi.www.r-pharm.com

AİŞ ölkə prezidentinin 30 mart 2006-cı il tarixli fərmanı ilə yaradılıb. Məqsədi müddətli investisiya qoyuluşları yolu ilə qeyri-neft sektorunun inkişafını dəstəkləməkdir.

 Azərbaycanın özəl şirkəti olan “Vita-A” MMC   tibb və əczaçılıq sahəsi də  daxil olmaqla yüksək texnologiyalı innovativ layihələrin həyata keçirilməsi məqsədi ilə 2015-ci ildə yaradılıb.

“Vita-A” komandasının bazasında onkologiya, onkohematologiya, nevrologiya, AİDS, hepatit və digər sahələr üzrə mütəxəssislərin iştirakı ilə “Həyat Farm” BM-in peşəkar kollektivi formalaşıb.

Şirkət fəaliyyətə başladıqdan sonra qısa müddətdə  daxili və xarici bazarlarda böyük iş təcrübəsinə malik mütəxəssislərdən ibarət yüksək peşəkarlığa malik komanda calışır. Burada son elmi-tibbi işləmələrin və proqramların tətbiqini təmin edən yüksək texnologiyalar sahəsi üzrə mütəxəssislər fəaliyyət göstərir. 06D--