Yerevan/20.06.16/Turan-Armİnfo: Ermənistan hakimiyyətinin ən qatı əleyhdarlarından biri, birinci Qarabağ müharibəsi zamanı “Şuşa” dəstəsinin komandiri və İran vətəndaşı Jirayr Sefilyan haimiyyəti ələ keçirməyə hazırlaşmaq ittihamı ilə bu gün Yerevanda həbs olunub.
Ermənistanın İstintaq Komitəsinin verdiyi məlumata görə, Sefilyanın avtomobilində iki ədəd FL-74 avtomatı və 120 güllə aşkarlanıb.
Müəyyən olunub ki, silahın sahibi bir qrup şəxslə birlikdə binaların, kommunikasiyaların, o cümlədən Yerevan teleqülləsinin silahlı ələ keçirilməsini planlaşdıran Jirayr Sefilyandır. “Bu planın həyata keçirilməsi üçün qanunsuz olaraq silah və döyüş sursatı əldə olunub. Həm də qrup üzvləri öz planlarını hələ aprel müharibəsi zamanı həyata keçirməyi planlaşdırırdılar”, deyə bəyanatda bildirilir.
Sefilyan qanunsuz silahlı birləşmə yaratmaq ittihamı ilə həbs olunub. Daha 8 nəfərə qarşı silah və döyüş sursatı əldə etmək və saxlamaq ittihamları irəli sürülüb, onlar həbs olunublar. Qrup üzvlərinin bəziləri etirafedici ifadələr veriblər.
Qeyd edək ki, Sefilyan bir müddət əvvəl açıq bəyanat verərək, “Qarabağı verməyə hazır olan” Ermənistan hakimiyyətinə qarşı silahlı müqavimət göstərməyə çağırıb. Maraqlıdır ki, digər keçmiş erməni hərbiçiləri tərəfindən də analoji ittihamlar səslənir.
Göründüyü kimi, Ermənistan hakimiyyəti mümkün hərbi rəqibləri və birinci mərhələdə Qarabağ ətrafındakı rayonların azad edilməsini nəzərdə tutan mərhələli həllə razılaşmayanları aradan qaldırmağı qərara alıb.
Belə olan halda Sefilyanın həbsi yalnız ilk addımdır və tezliklə Ermənistan və Qarabağın bir sıra nüfuzlu hərbiçilərini və siyasətçilərini bu aqibət gözləyir. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz