Noyabrın 2-də Pirallahı Sənaye Parkında əczaçılıq zavodunun təməli qoyulub. Layihənin həyata keçirilməsi üçün birgə müəssisə yaradılıb: “Vita A” (Azərbaycan) və “R-Farm” (Rusiya) 45%, Azərbaycan İnvestisiya Şirkəti – 10%.
Müəssisənin təməlini iqtisadiyyat naziri Şahin Mustafayev və RF iqtisadiyyat nazirinin müavini Sıbulski qoyub.
“Həyat Pharm” MMC Azərbaycanda dərman təhlükəsizliyinin təmin olunması, yerli istehsal hesabına əhalinin keyfiyyətli əczaçılıq məhsulları ilə təchiz edilməsi, dərman vasitələrinin idxalının azaldılması və ixrac potensialının artırılması, ümumilikdə ölkənin iqtisadi və sosial inkişafının, əhalinin rifahının və sağlamlığının artırılması istiqamətində uzunmüddətli kompleks layihədir.
Layihəyə 74 mln dollar investisiya qoyulacaq. İstehsal 2019-cu ilin sonunda layihə gücünə çatacaq.
İstehsal edilən dərman vasitələrinin qonşu ölkələrə ixrac da nəzərdə tutulur. Layihə çərçivəsində 200 iş yeri açılacaq.
“Həyat Pharm” zavodunda onkologiya, QİÇS, sinir sistemi, kardio-vaskulyar, diabet, göbələk, sümük-əzələ və tənəffüs sistemi təyinatlı dərmanlar, virus əleyhinə preparatlar və antibiotiklər, diareya və qusmaya qarşı preparatlar, həmçinin, rentgen-kontrast və maqnit rezonans müayinələr üçün əlavələr istehsal ediləcəkdir. Ümumilikdə zavodda 58 təsiredici maddə üzrə 89 çeşiddə dərman istehsal ediləcək.
Zavodun illik istehsal gücü 22,5 mln. qutu və ya 500 milyon ədəd həb və kapsul təşkil edəcək.
«Azərbaycan ərazisində istehsal olunan müasir preparatların istifadəsi əhalinin tibbi təminatının səviyyəsinin xeyli artırılmasına imkan verəcək, həmçinin pasiyentlər üçün müalicə qiymətlərini və respublika səhiyyə sisteminin maliyyə yükünü azaldacaq.
Qeyri-neft sektorunun inkişafı üçün Azərbaycan hökuməti tərəfindən yaradılan cəlbedici investisiya mühiti, ixracyönlü istiqamətlərin həvəsləndirilməsi, azad iqtisadi zonanın yaradılması, vergi güzəştlərinin verilməsi və özəl sektorun inkişafı üçün digər stimullar kompleks innovativ layihələrin daha effektiv həyata keçirilməsinə kömək edir.
Bu layihə yeni əczaçılıq sahəsinin inkişafında , bizim ölkənin ixrac potensialının gələcəkdə genişləndirilməsinə xidmət edəcək”,- “Vita-A” şirkətinin baş direktoru Murad Sadıxov bildirib.—06D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz