Həyat sığortası şirkətləri İcbari Sığorta Bürosunun üzvü olacaq

Dövlət başçısı «İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında» qanuna əlavə və dəyişiklik edilməsi haqqında” qanunun tətbiqi ilə bağlı sərəncam imzalayıb. 

Əsas dəyişiklik həyat sığortası şirkətlərinin İcbari Sığorta Bürosunun üzvlüyü ilə bağlıdır. Onların informasiya bazası Büronun bazasının tərkib hissəsi olacaq. 

Yeni redaksiyada “hərbi və ya xüsusi rütbəsi olan şəxslər” sözləri nəzərdə tutulmuş orqanlarda qulluq keçən hərbi və ya xüsusi rütbəsi olan şəxslər, məhkəmə hakimləri və andlı iclasçıları ehtiva edəcək. 

Məhkəmə və hüquq mühafizə orqanları kateqoriyasına FHN, MTN, gömrük xidməti, miqrasiya xidməti əməkdaşları da aid edilib. 

Əmək qabiliyyəti olmayan və əmək qabiliyyətini itirmiş şəxs dedikdə, aşağıdakılar başa düşülür: 18 yaşına çatmamış uşaqlar; təhsil müəssisələrinin əyani şöbəsində təhsil alan övladlar, lakin ən çoxu 23 yaşına çatanadək; ata, ana, ər, arvad, övlad müəyyən edilmiş pensiya yaşına çatmışdırsa, yaxud əlildirsə. ;

Sığorta hadisəsi nəticəsində peşə əmək qabiliyyətinin itirilməsi ilə əlaqədar aylıq sığorta ödənişini alan sığorta olunan həmin hadisənin birbaşa səbəbi olduğu sağlamlığın pozulması halından öldükdə birdəfəlik ödəniş edilir. İndi sığorta şirkətlərinin hüquqşünasları sübut edə bilər ki, ölüm dolayı yolla olub və kompensasiay verilməyə və ya azaldıla builər. Qanunvericilik aktlarının uyğunlaşdırılması üçün 3 ay vaxt verilir. İcraya məsul Nazirlər Kabinetidir. --17D—